قريبا الفيسبوك غادي يخليك تدير ديزابوني لكلمات معينة ما بغيتيش تشوفها

بلا ما تخسر صحابك ولا تدير لهم ديزابوني


ما يمكنش ما تكونش طحتي ف هاد المأزق شي مرة ف حياتك: موضوع داير البوز وكلشي كيهضر فيه. النيوزفيد عندك عامر ببوسطات عليه. الموضوع ولى حامض ونتا ما حاملش تزيد تقرا عليه. أيا كان, سواءا سياسي ولا إجتماعي, من حقك ما تشوفش دوك البوسطات اللي غادي غير تزيد تعصبك ولا تخسر لك نهارك.

المشكل ف العادة هو أنه ما يمكنش تمنع تعبيرات وكلمات معينة من الظهور ف النيوز فيد ديالك. خاصك يا إما تمسح الصديق, يا تدير ليه ديزابوني, الشي اللي غادي يخلي بوسطاتو اللي نتا باغيها ما تبانش لك مجددا, وأصلا شحال قدك تمسح وتدير ديزابوني؟

 

لحسن الحظ الفيسبوك كيجرب مؤخرا إضافة جديدة غادي تمكنك من أنك تدير Snooze كلمات معينة لفترة زمنية (30 يوم).

خلال هاد الفترة, البوسطات اللي فيها هاد الكلمات ما غاديش تزيد تظهر لك ف النيوزفيد, بلا ما تحتاج تمسح ولا تدير ديزابوني لمواليها. الفيسبوك غادي يلقاها ويمنعها من الظهور عندك. باقي البوسطات اللي ما فيهاش غادي تبان لك عادي.

على أي, الاشهارات اللي فيها هاد الكلمات غادي تبان عادي عندك.

الخاصية مازال رهن التجريب والتطوير حاليا. مستعملين معدودين فقط اللي متوفرة عندهم هاد الخاصية. الكلمات المبلوكية ما غاديش تبان عندك ف النيوزفيد, وحتا ف الكروبات اللي راك داخل ليهم.

امتا غادي تطلق رسميا للجميع؟ مازال ما كاينش تاريخ محدد, لكن من المتوقع قريبا.

هكا غادي تبان لك الخاصية الجديدة ف السمارتفون ديالك:

 

TechCrunch
TechCrunch

 

المصدر: تك كرانش

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…