ولد أكادير, ولكن أقنع ملايين الهنود أنه مشجع أرجنتيني حزين على منتخب بلادو

من أكبر القوالب الاعلامية على الاطلاق


كيف كنعرفو باللي هدا موسم حمّى كأس العالم و المغاربة مشاو لروسيا باش يشجعوا المنتخب. وطبعا, المغاربة فين مامشاو دايرين بلاصتهم. من بينهم حمزة راسي, الشاب المغربي ولد أكّادير واللي كيعيش ف مدينة روما بإيطاليا.

حمزة, واحد من المشجعين المغاربة اللي كيشجعوا الارجنتين الأرجنتين, وقعلو موقف طريف مع مذيع من قناة هندية, هاد الأخير اللي, نظرا للتشابه ف الملاح بين بزاف ديال المغاربة واللاتينيين, ظن باللي حمزة مواطن أرجنيتي. و حتا حمزة ما كانش من العاكّزين و كمّل ف الكدبة, و زاد كّاع قالو باللي سميتو خوان.

حمزة دار تصريح للقناة الهندية من بعد الماتش على أساس أنه مواطن أرجنتيني جا يشجع منتخب بلادو ضد كرواتيا. لابس توني الارجنتين وكيهضر بالانجليزية وهو حزين على الخسارة ف الماتش.

الفيديو نال الإعجاب ديال المغاربة و تبارطاجا بزاف ديال المرات ف الفيسبوك. و علاش لا و الأمر كيستحق. ماشي ساهلة تضحك على قناة ناقلة لكاس العالم ف الهند.

ماكانش هدا الفيديو الوحيد ديال حمزة, إد كيعاود يبان كيشجع السويد مع السويديين منين كانت رابحة, و قلب الفيستة لألمانيا مور ماخرجات هي رابحة. الفيديو طبعا غرضو ترفيهي, الشي اللي محتاجينو مور ما تقلقنا على خسارة المنتخب المغربي.

هاهو الفيديو:

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…