من طفل متسول ف الشوارع, لواحد من الحراس القلال اللي حبسوا ضربة جزاء لكريستيانو رونالدو

قصة حارس مرمى المنتخب الايراني


هو أكثر واحد متخصص ف ضربات الجزاء, لدرجة أن الناس اللي ما كيعجبهمش كيلقبوه بـ Penaldo, اللي نسبة كبيرة من أهدافو جات من ضربات جزاء. طبعا الهضرة على نجم ريال مدريد اللاعب البرتغالي كريستيانو رونالدو. لكن البارح رونالدو دوز نهار سيئ بزاف. ضيّع ضربة جزاء حاسمة ف ترتيب منتخبو ضد إيران.

المثير ف القصة ماشي هو تضييع ضربة الجزاء. منتخب البرتغال تأهل, وديجا العدو اللذوذ ديالو ميسي دارها ف نفس المسابقة. لكن قصة حياة حارس منتخب إيران الشاب, علي رضا بيرانفند, اللي داز من ظروف صعيبة بزاف, لواحد من الحراس القلال اللي قدروا يحسبوا بينالتي لرونالدو.

علي رضا, 25 سنة, تزاد ف أسرة بدوية ديال الرحل. والديه رحل كيربيو الماشية وكيسافروا من منطقة لمنطقة بحثا على ما يوكلوا ماشيتهم, تماما بحال الرحل المغاربة. علي رضا كان كيدوز نهارو كلو ف السرحة, لكن ملي كيكون عندو الوقت كيلعب الكورة مع صحابو. هوايتو المفضلة.

الاب ديالو, بحال الاباء المغاربة, شاف الكورة مجرد مضيعة للوقت وكتلهيه على الخدمة. كان كيقطعلو حوايج الكورة.

علي رضا, وبسبب الطيش ديال المراهقة, قرر يهرب لطهران, أكبر مدينة ف إيران, باش يقلب على فرصة فين يولي لاعب كبير ديال الكرة.

تسلف فلوس الكار من عند شي واحد من العائلة وشد طريق طهران. ف نفس الكار, حسب ما قال لـ The Guardian, تلاقى بمدرب ديال فريق محلي ديال الكورة, لكن طلب منو مبلغ مالي باش يخليه يتريني ف فرقتو. وطبعا مراهق هارب من دارهم ماغاديش يكونوا عندو الفلوس الكافية باش يخلص نادي ديال الكورة.

وكيفما توقعتي, علي رضا بات ف الزنقة حتا تلاقى بشي واحد قرر يخليه يبات عندو ف الدار, لكن رغم ذلك ما مشاش معاه, مشا لباب الفرقة ديال المدرب, ونعس. ف الصباح المدرب غادي يخليه يتدرب بلا ما يضطر يخلص, ويضبر ليه فين يبات.

من بعد, وباش يقدر يعيش, علي رضا, وبالاضافة للتدريب, غادي يدير خدامي بزاف. من الخدمة ف معمل ديال النسيج حتا لغسيل الطونوبيلات, مرورا بالخدمة ف محل ديال البيتزا ويشطب الشوارع.

الامور ف الحياة غادي تمشي بشكل عشوائي, من خدمة لخدمة ومن فرقة لفرقة. حتا غادي يسني أخيرا عقد إحترافي مع واحد من أهم الفرق ف إيران. هنا حياتو غادي تستقر وتمشي للأحسن, حتا تم أخيرا المناداة عليه للمنتخب, وولى حاليا الحارس الأساسي ديال إيران, وهو اللي حبس ف ماتش المغرب وباقي الماتشات!

 

المصدر: The Guardian

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…