قريبا مجموعات [Groups] الفيسبوك غادي تولي بالفلوس — وباش تدخل تخلص شهريا

ابتداءا من 50 درهم شهريا!


أيام قليلة فقط بعد قضية كروب Glamour اللي روّن الصوشل ميديا ف المغرب, الفيسبوك أعلن ف مقال على مدونتو على خاصية جديدة غادي يزيدها لخدماتو المتعلقة بالمجموعات. غادي يزيد الاشتراك الشهري ف الكروبات ديال الفيسبوك.

المستخدمين غادي يوليو مطلوب منهم الاشتراك شهريا باش يقدروا ينظموا للكروب (اللي كيطلب الفلوس), بدل فقط الاجابة على عدة أسئلة قبل الانظمام كيفما كنديرو دابا.

الكروبات الحالية المجانية غادي تبقا كيفما هي, لكن غادي تكون عندهم إمكانية اضافة sub-group بالفلوس للناس المهتمين. فين الانظمام غادي يكون ماشي فابور والمحتوى, نظريا, أفضل.

التمن ديال الاشتراك ف هاد الكروبات غادي يتراوح بين 5 و 30 دولار أمريكي. أي بين حوالي 50 درهم و300 درهم مغربي شهريا باش تنظم لكروب معين.

تفسير الفيسبوك حول هاد القرار هو أن أدمنات الكروبات كيبدلوا مجهود كبير ف تكبير الـ community, وبالتالي خاصهم يستافدوا ماديا من هاد التعب اللي كيديروا. هذا بالاضافة لايمان الفيسبوك ان الفلوس ممكن تعاون الادمنز ينتجوا محتوى أفضل للكروبات ديالهم, وبالتالي تحسين تجربة مستخدمي الفيسبوك.

لحد الان الكروبات مازال فابور, الخاصية كيتم تجريبها فقط على التطبيق ديال الفيسبوك ف السمارتفونات ديال بعض المستخدمين. الفيسبوك ما غاديش ياخد نسبة من تمن الاشتراك الشهري, لكن Google و Apple غادي ياخدوا نسبة بسبب الـ App Store و الـ Play Store.

 

ما علينا, مستعد تخلص الفلوس باش تدخل لـ Group ديال الفيسبوك؟ 

 

المصدر: The Verge

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…