رسميا: القنوات المغربية الارضية ناقلة 22 ماتش من كاس العالم روسيا 2018

غادي نتفرجو ف الدار بحال 1998


بلا شك ديجا بديتي استعداداتك للفراجة ف المونديال اللي غادي يبدا غدا, سواءا قلبتي الطبسيل لاسترا ولا قلّبتي على قهوة مناسبة فين تقدر تريح طرونكيل وتتفرج, ولا يمكن كاع ضبرتي ف سرفر IPTV باش تتفرج.

للأسف, غير تعدبتبي على والو. الشركة الوطنية للإذاعة والتلفزة عندها دابا حقوق بث 22 ماتش من كاس العالم أرضيا مجانا, حسب ما أعلنت الشركة عبر حساب قناة الرياضية ف تويتر. الحقوق تشرات قانونيا من عند مجموعة beIN Sports المالكة للحقوق الحصرية لماتشات كاس العالم ف منطقة الشرق الاوسط وشمال إفريقيا.

للأسف, ما تمش الاعلان على شمن ماتشات تحديدا غادي تنقل ولا باقي التفاصيل ديال الصفقة. لكن يمكن لنا بكل ثقة نتوقعو أنها غادي تكون ماتشات المنتخب المغربي (طبعا) زائد ماتشات النصف والنهائي, وعلاش لا ماتشات البرازيل وألمانيا, مادام عدد الماتشات هو 22 ماتش ف المجموع.

علاش حتا لآخر لحظة عاد قالوها؟ شنو وقع تحديدا؟

على ما يبدو, هاد القرار جا ف إطار محاربة قنوات beIN Sports لموجة القرصنة اللي كتقوم بيها جهات سعودية لأسباب سياسية. من مدة لابأس بها وقنوات سعودية كتقوم ببث ماتشات وبرامج بث قنوات بي إن مجانا. المجموعة القطرية رفعت دعوى ضدها, لكن ما توصلت لوالو. الامر سياسي ومعقد.

لذلك, مجموعة بي إن, وباش تقضي على القرصنة, خصوصا ف موسم كاس العالم اللي غادي تكلفها خسائر كارثية, اضطرت انها تلقا حل وسط وتبيع الحقوق للقنوات الارضية المحلية ديال بعض الدول منهم المغرب. لقات باللي اللهم البيع بالخسارة, ولا الخسارة بلا بيع. وهذا علاش الشركة الوطنية قدرت تشري حقوق البث ديال ماتشات كاس العالم ف آخر لحظة بتمن في المتناول, عكس السنين اللي فاتت.

على أي, مهما كان السب مرحبا بيه, من الجنة والناس, المهم هذي فرصة نتفرجو ف كاس العالم ف جو عائلي بحال أيام مونديال 98, فين العائلة كلها كانت مجموعة حول التلفازة وكلشي فخور بأسود الاطلس <3

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…