هاد الجامعة غادي تتوقف فيها القراية كليا وقت ماتشات المنتخب الوطني

باش الطلاب يتفرجوا على خاطرهم


أسوء حاجة يمكن توقع لك كشاب كيموت على الكورة هي يجي توقيت ماتش مهم مع القراية. خصوصا ادا كانت الحصة مهمة واستاذها ما عندوش مع الكورة, كيشد العكس وكيقيّد الغياب, وإدا كان مسموم ممكن يدير لكم فرض محروس ف داك الساعة. هاد المشكل كيعانيو منو الاطفال والشباب ف العالم كامل ماشي غير المغرب, لكن لحسن الحظ ماشي كاع العالم بحال أستاذنا المشؤوم. ف الاوروغواي, واحدة من أكبر الجماعات ف البلاد قررت توقف التدريس وقت ماتشات المنتخب.

الاوروغواي هاد العام متأهلة لكاس العالم وغادي تلعب ف المجموعة الاولى مع روسيا, السعودية,ومصر.

عكس المغرب اللي خدام بتوقيت كرينتش, الاوروغواي دولة كاينة ف أمريكا الجنوبية لاصة مع الارجنتين. توقيتهم متأخر على روسيا ب 7 ساعات (بالتوقيت الصيفي), هذاك علاش ماتشات كاس العالم ديال منتخبهم غادي تتصادف مع القراية ف نص النهار. الشي اللي غادي يخربق توقيت طلاب بزاف ويخليهم يغيبوا محاضراتهم.

رئيس الجامعة ف هاد الدولة اللاتينية, اللي يمكن تصنيفها مع الارجنتين والبرازيل ف الهوس بكورة القدم, قرر يعطي للطلاب رخصة للغياب ف وقت الماتشات ديال المنتخب ف كاس العالم. الطلاب, بغض النظر على مستواهم, غادي يقدروا يتفرجوا ف ديورهم ولا ف القهاوي بلا ما يواجهوا أي مشاكل إدارية ف  الجامعة من بعد. جميع الانشطة غادي تتوقف, سواءا محاضرات ولا إدارية.

التفسير ديال الجامعةوراء هاد القرار, حسب ما قال نائب الرئيس لوسائل الاعلام العالمية, هو أن الكورة جزء من التقافة ديال البلاد, ومهمة الجامعة هو تكون محتكة وقريبة من المجتمع, لذلك جميع الانشطة غادي تتوقف ملي يلعب المنتخب ديال البلاد.

 

لحسن الحظ, حنا ف المغرب الماتشات هاد العام غادي يجيو ف وقت مناسب نسبيا. غادي تقدر تسلت بلا مشاكل ساعة ولا 2. لكن كاس العالم الجاي ف قطر, واللي نتمناو المنتخب يتأهل ليه, الماتشات غادي يتلبعوا ف العشية وغادي نطيحوا ف مشكل. لذلك, من هنا لتما نستمتعو بهاد النعمة ديال الـ GMT.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…