هرفي رونار: ف المغرب كاين جميع داك الشي اللي ممكن تلقا ف أوروبا

والبلاد كتعرف تطور سريع!


يمكن إعتبارو من أكثر المدربين الاوروببين خبرة ف إفريقيا. السيد جال وصال ف القارة السمراء وعارف أسرارها وتفاصيلها, ورأيو قطعا عندو قيمة. الامر كيتعلق بمدرب المنتخب المغرب هرفي رونار, اللي مؤخرا خرج ف تصريح إعلامي ف أحد الجرائد الايطالية, وقال هضرة مهمة على المغرب.

هاد التصريح تناقلاتو قبل أيام وسائل إعلام مغربية. واللي لخصاتو ف جملة المغرب دولة أوروبية تقع ف إفريقيا, الشي اللي خلق موجة سخرية ف الصوشل ميديا. لكن ف الحقيقة السيد has a point وحجج على هضرتو. المغرب كيتقدم وكيتطور بسرعة.

مؤخرا جريدة La Repubblica, واحدة من أهم الجرائد ف إيطاليا, دارت حوار مطول مع مدرب المنتخب الوطني هرفي رونار ف نسختها الورقية. الحوار هضر فيه رونار على الكورة ف إفريقيا, أراؤو ف الكورة الايطالية, وأهم حاجة عدم رضاه على الرأي السلبي اللي عند  الاوروبيين على المغرب وشمال إفريقيا.

رونار قال باللي الاحكام الجاهزة اللي عند الاوروببين عن المغرب كتقلقو بزاف, وباللي ما نقدروش نجمعو المغرب وإفريقيا السوداء ف نفس المجموعة. اختصار إفريقيا ف الفقر داير بحال اختصار نابولي فقط ف المافيا. الامر غير حقيقي وما كيعجبوش. حسب رأيو, “ف المغرب كاين كاع داك الشي اللي ممكن تلقا ف أوروبا, والبلاد غادية ف تطور سريع وعندها بنية تحتية من أعلى طراز“.

أما كجواب على السؤال واش كيظن باللي ممكن شي منتخب إفريقي يربح كاس العالم, فقال باللي أولا كيتمنى يشوف منتخب إفريقي ف نصف النهاية, عاد نهضرو على الفوز بكاس العالم. جميع المنتحبات الافريقية ف هاد كاس العالم قادرة تخلق المفاجئة حسب رأي الناخب الوطني.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…