باغي تشجع المنتخب المغربي ف كاس العالم؟ روسيا ألي روتور إبتداءا من 5000 درهم!

وا رووووسيا, هاحنا جايييين!


تشجيع المنتخب ف كاس العالم حلم ملايين المغاربة. خصوصا ملي يكون المنتخب لاعب ف مجموعة صعيبة ومحتاج تشجيعنا, وعلاش لا شوية ديال الضجيج والهرج المغربي الجميل ف روسيا. لكن للاسف كاس العالم هاد المرة ف روسيا, دولة بعيدة علينا بزاف وتمن الطيارة ليها غالي ماشي ف متناول الجميع.

لذلك, الخطوط الجوية الملكية المغربية, ورغم سمعتها السيئة عند المسافرين المغاربة, وبالتعاون مع الجامعة ديال الكورة ووزارة الشباب والرياضة, دارت عرض للمشجعين المغاربة اللي ناويين يمشيو لروسيا يشجعوا المنتخب الشهر الجاي.

بلاغ مشترك للخطوط الملكية المغربية والجامعة الملكية المغربية لكرة القدم ووزارة الشباب والرياضة, قال أنه غادي تكون 13 طيارة لتمكين حوالي 2500 مغربي من الدهاب لروسيا لتشجيع المنتخب الوطني.

تمن الرحلة, ذهابا وإيابا, تحدد ف 5000 درهم مغربي للمسافر. الرحلات غادي تنطلق من عدة مدن مغربية, أهمها الدار البيضاء, طنجة, وجدة ومراكش, ف اتجاه أهم مدن روسيا: سان بطرسبرغ, موسكو وكالينينغراد, فين غادي يلعب المنتخب ماتشاتو.

لكن ماشي الجميع قادر يستافد من هاد العرض. هاد العرض فقط للناس اللي عندهم ديجا تداكر الماتشات. اللي يقدروا يحصلوا عليها من وكالات الاسفار ولا الوكالات التجارية ديال لارام. التداكر, للأسف تمنها كيبقا غالي شوية مقارنة بتمن الطيارة.

وطبعا, ما نحتاجوش نقولو باللي السكن والماكلة وباقي المصاريف عليك نتا.

سو, ناوي تمشي؟ ما تنساش الجواكط, راه عندهم البرد!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…