5 أنواع ديال الناس كيصليو التراويح غادي تتلاقاهم ف أي مسجد مغربي ف رمضان

إدا ما اكنتيش نتا منهم أصلا


رمضان, رغم أنه ولى شهر إستهلاكي, إلا أنه ف الاصل شهر الصلاة والعبادة والتعبد. من أهم الأمور اللي الانسان كيديرها ف رمضان هي الصلاة, خصوصا التراويح, اللي كتبقا جزء أساسي من رمضان.

ف رمضان أغلب المغاربة كيمشو للجامع, خصوصا ف العشر الاواخر. الجوامع كتعمر بزاف وكتعرف حضور قياسي.

إدا كنتي بحال ملايين المغاربة كتصلي التراوويح, هذي 5 أنواع ديال الناس غادي تلاحظها على الاقل مرة خلال صلاتك:

1. الدراري الصغار اللي فرحانين صاموا ومشاو يصليو التراويح

كاع دزنا من هاد المرلحة. ديال تولي تصوم نهار كامل وف العشا تلبس عباية بيضا وتدير صلايتك على كتفك وتقصد أقرب جامع تصلي.

هاد الاحساس لا يضاهيه إلا إحساس تحسن الموسطاج أول مرة.

2. اللي كيقسم معاك السجادة

هاد النوع غير مفهوم. كتجيب سجادتك المفضلة باش تصلي في خشوع. كيجي يبغي يقسمها معاك وتديرها على العرض بدل الطول. كتصدق حاشم منو وقاسمها معاه.

3. اللي كينقز بين الصفوف

هاد النوع أكثر نوع مستفز. كيستنا غير الفرصة تخوا شي بلاصة ف الصف اللي قدامو باش ينقز ليه ويخلي فراغ حداك.

4. اللي كيخوي من مور العشا مباشرة

ما كيكونش ناوي يصلي التراويح, ولا يمكن كيعيا بالزربة. كياخد البلاصة ف الصف اللول, لكن مباشرة من بعد صلاة العشاء كيخوي بحالو. غالبا كيمشي للقهوة يريح.

5. اللي كيتلفوا مع الامام — المبتدئين

هاد النوع كيتلف بين الركوع والسجود. يمكن ما تلاحظوش ادا خرجتي بكري. لكن ملي كتطول ف الصلاة, التركيز كيقل وبنادم كيبدا يتلف ف الركعات, خصوصا ف العشر الاواخر.

 

كتصلي التراويح؟ كاين شي نوع نسيناه ولا غلطنا ف وصفو؟ خلي تعليقك التحت, والله يتقبل!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…