المغرب ضمن قائمة 10 أكبر Tech hubs في التكنولوجيا عربيا وإفريقيا

بلغة أبسط: قطاع التكنولوجيا والاتصالات كيتطور بسرعة ف المغرب


كلنا لاحظنا النمو السريع اللي وقع ف العشر سنين الاخيرة ف قطاع التكنولوجيا والاتصالات. لا من ناحية الخدمات لا من ناحية الطلب ف سوق الشغل. هاد القطاع, بمختلف تشعباتو, هو الاكثر والاسرع نموا ف المغرب. هاد الشي دابا كتساندو أرقام رسمية.

 

المغرب, كـ Tech Hub, جا ف مقدمة أكثر الدول الافريقية نموا ف مجال التكنلوجيا. متوفوقا على مصر, اللي جات ف المركز التاني بنسبة 9%, والمغرب بنسبة 10%.

الـ Tech Hubs, ادا ما عندك حتا فكرة, هو مراكز صناعة التكنولوجيا ف أي بلاد. أهم تك هاب ف العالم حاليا هو السيليكون فالي, فين كتنتج أغلب التكنولوجيا اللي كنستعملو ف العالم ف العقود الاخيرة.

بالتوازي, كاينة Tech Hubs ف العالم كامل, من بينها المغرب.

المغرب, حسب أرقام هاد العام, هو أسرع تك هاب نموا ف منطقة شمال إفريقيا والشرق الاوسط, حسب ما جا ف مؤتمر Cyfy Africa 2018, اللي تنظم مؤخرا ف المغرب.

المغرب, وواخا تحكرو, إلا أنه عندو 45% من الصادرات التكنولوجية ف الشرق الاوسط وشمال إفريقيا. النسبة اللي كتخليه ف المرتبة الاولى ف هاد التصنيف. ومراكز أولى ف تصنيفات أخرى.

شكون جا التالث والرابع؟ كينيا هي اللي جات ف المركز التالق بسبب الـ Tech hub ديالها اللي سميتو سيليكون سافانا. أما المرتبة الرابعة فمن نصيب نيجيريا, اللي الانترنت فيها كيشهد طفرة كبيرة. عدد مستخدمي الانترنت فيها قرّب لـ 60 مليون.

 

ما فهمتش مزيان آش كيعني هاد الشي؟ بلغة أبسط: قطاع التكنولوجيا والاتصالات كيتطور بسرعة ف المغرب, وقادر ينافس ف المنطقة ويحتل المرتبة الاولى, رغم المنافسة الشديدة بين دول بزاف. هاد القطاع هو المستقبل ادا بغيتي تقرا ولا تستثمر.

 

المصدر: مجلة تلكل

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…