أسابيع قليلة قبل المونديال, بنت مدرب المنتخب الوطني هرفي رونار ضحية إعتداء جنسي

خلال مشاركتها ف برنامج تلفزيوني


قبل أسابيع قليلة من إنطلاق كاس العالم روسيا 2018, بنت المدرب الوطني هرفي رونار, ضحية ديال اعتداء جنسي, حسب ما نقلت عدة وسائل إعلام فرنسية ومغربية.

كونديد رونار, 21 سنة, بنت المدرب الفرنسي هرفي رونار, اللي كيدرب حاليا المنتخب المغربي, تعرضت مؤخرا لاعتداء جنسي خلال مشاركتها ف واحد البرنامج ديال تلفزيون الواقع فرنسي.

كونديد, اللي مشاركة ف برنامج KOH LANTA ديال تلفزيون الواقع, واللي كيتصور ف جزيرة فيجي ف المحيط الهادي, علمت المسؤولين على البرنامج, ف الصباح الموالي, أنها تعرضت لاعتداء جنسي ف غرفتها باللليل.

مصدر من الشركة المنتجة للسلسلة التلفزيونية، وضّح أن الحادث اللي شهداتو غرفة كونديد ما شافو حتا واحد آخر من غيرها. هاد الحادثة أدت لإيقاف عملية تصوير اليوم الرابع من البرنامج.

تفاصيل أخرى عن نوعية الاعتداء ولا شكون المتهم الاول ف الامر ماتمش دكرها.

بنت مدربنا الوطني شدات مباشرة الطيارة ورجعت لفرنسا عند عائلتها, بدون ما تكمل المشاركة ف البرنامج.

هرفي رونار, ومن بعد ما تصلت به الصحافة, قال انه كاينة مسطرة غادي يتم اتباعها للتحقيق ف الحادث, ورفض يضيف أي تفاصيل اخرى ول الامر, حسب ما قالت لوباريزيان.

نتمناو أسرة رونار تتجاوز هاد المحنة بسرعة, باش الامر ما يأثرش على هرفي ف كاس العالم الجاي ف روسيا مع أسود الأطلس!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: واضفاك؟

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…