صدق أو لا تصدق: هاد المسلسل المصري فيه 2 نسخ — السبب أغرب من الخيال

ولكن آشمن تسخة غادي يعرضوا ف المغرب؟


رمضان ما بقا ليه والو. الشهر اللي ما يمكنش يكون بلا مسلسلات مصرية, اللي كتشكل جزء أساسي من ثقافة رمضان, ماشي فقط ف المغرب, بل ف العالم العربي ككل. لكن هاد العام كان شي حاجة غريبة وعمرنا سمعنا بيها: هاد المسلسل المصري فيه 2 نسخ, حيت ممتل ف النسخة الاولى عندو موقف سلبي من نظام دولة غادي تيعرض فيها المسلسل.

 

منتجي مسلسل أرض النفاق اضطروا يديروا نسخة تانية من مسلسلهم اللي غادي يتعرض ف شهر رمضان, حيت مشارك فيه إبراهيم عيسى, الإعلامي المصري, واللي عندو موقف سلبي من النظام السعودي.

المسلسل غادي يتعرض ف قناة سعودية, وبما أن السواعدة كيخلصوا بالدولار وكاش, شركة الانتاج اضطرت أنها تصور نسخة خاصة للسعودية, مشارك فيها ممثل آخر (سامي مغاوري) ف نفس الدور ديال إبراهيم عيسى.

الاعتراض جا حتا تم بث الاعلان ديال المسلسل ف القناة السعودية. مواطنيني سواعدة بزاف اعترضوا على عرض مسلسل ف قنواتهم مشارك فيه إعلامي عندو رأي سلبي ف حكومتهم ونظامهم. شركة الانتاج, وباش ما تخسرش سوق كبير قررت تلقى حل وسط وتعاود تصوير اللقطات اللي كيبان فيهم “الممثل” المغضوب عليه ف السعودية.

المسلسل المذكور هو عمل كوميدي كيدور حول حياة مواطن مصري بسيط. البطل ديالو هو الممثل هنيدي. قصة المسلسل مأخوذة من رواية كتحمل نفس الاسم للأديب يوسف السباعي. بنسبة لابأس بها ممكن يتعرض ف القنوات المغربية, لكن آشمن نسخة؟ نصبرو ونشوفو!

وكيفما قال الشاعر المغربي, بالمال يمكنك أن تعيد تصوير لقطات مسلسل ما عجبكش!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: واضفاك؟

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…