البارح Google أعلنت عن Android P– هذي أهم الخصائص, ومنين تقدر تأنسطاليه

أهم تحديث دارت Google ف السنين الاخيرة


البارح شركة Google أعلنت خلال I/O 2018 عن النسخة الجديدة من نظام تشغيلها Android. هاد النسخة تم تسميتها Android P وتعتبر أهم تحديث ف أندرويد دارتو Google خلال السنوات الاخيرة.

النسخة الاخيرة جات بتحديثات جديدة على جميع المستويات. الهدف الاول ديال اندرويد P هو تجربة استخدام أقل ستريس وأكثر سلاسة وسهولة. بالاضافة لاعطاء السلطة للمستخدم للتحكم ف تجربة استخدامو.

كيفما غالبا غادي تكون شفتي ف الفيسبوك, أهم تحديث, واللي دار البوز, هو الـ Google Assistant, اللي سميتو Duplex. اللي قادر على اجراء اتصالات هاتفية بلاصتك والتحاور بصوت شبيه بدرجة كبيرة للانسان.

الديزاين

عكس النسخ الاخرة ديال أندرويد, اللون الابيض هو الطاغي على الواجهة هاد المرة. الايقوانت شكلها دائري.

 

الـ APP TIME

من التحديثات الاخر اللي غادي تنفعك بزاف ف حياتك هي الـ APP TIME, واللي ببساطة تزاد ف الاعدادات وكيعطيك معلومات دقيقة على شحال ديال الوقت ستعملتي ف كل تطبيق. هذا بالاضافة للقدرة على تحديد الوقت المسموح بيه لكل تطبيق. تقدر تحدد شحال ديال الوقت بغيتي تدوز ف الفيسبوك, مثلا, موراه التطبيق غادي يتحول للون الرمادي وما تقدرش تزيد تستعملو (حتا ترجع للاعدادات وتبدلها).

ADAPTIVE BATTERY

على الجانب التقني, نسخة أندرويد الجديدة خدات بعين الاعتبار الباتري, وزادت ما يسمى بالـ Adaptive Battery, اللي مهمتو, باستعمال الـ machine learning, يعرف التطبيقات اللي كتستعمل كثر, ويفرق استعمال الطاقة طريقة أحسن, اللي تخلي الباتري ما يخواش بالزربة.

GESTURE NAVIGATION

@androidpolice.com

الـ Gesture Navigation تطور بزاف ف النسخة الاخيرة من أندرويد. دابا عندك امكانية أكبر لانك تتحول بين التطبيقات فقط بتحريك صبعك حول الشاشة (Swiping). سواءا لليمين واليسار, ولا الفوق والتحت. الهدف هو تولي تقدر تتحول ف تلفونك باقل مجهود ممكن.

SCREENSHOT EDITING

The Verge

ف النسح الحالية, ملي كتاخد سكرينشوت وتبغي تعدل عليه, تحيد الاسم مثلا, كيخصك تدخل بستعمال تطبيق اخر.

ف Android P ما غاديش تبقا محتاج لهاد القضية, امكانية التعديل غادي ولات مع النظام, وتقدر تغطي الاسم بلا ما تبدل التطبيق.

منين نقدر نجربو؟

أولا هذي خاصية متوفرة فقط للمستخدمين اللي كيفهموا ف التلفونات مزيان. ما تجربش ادا ما عندك حتا فكرة على كيفاش تأنسطالي نظام تشغيل جديد. خليك حتا تشري تلفون جديد فيه Android P.

حاليا النسخة Beta. مازال ما تمش الاعلان على امتا الاصدار الرسمي , متوفرة فقط لهاد التلفونات:

  • Pixel 2 / Pixel 2 XL
  • Pixel / Pixel XL
  • Essential Phone
  • Sony Xperia XZ2
  • OnePlus 6 (coming soon)
  • Xiaomi Mi Mix 2S
  • Nokia 7 Plus
  • Oppo R15 Pro
  • Vivo X21

ادخل لهاد الموقع, وتأكد أن التلفون الـ Associated مع الحساب Google اللي خدام بيه مدكور ف اللائحة الفوق باش تبان لك روابط التحميل.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…