5 مواقف Awkward عاشها كل مراهق مغربي مع قنوات الـ Porno ف صغرو

قبل ما ينتشر الانترنت


قبل ثورة النايلسات والقنوات الشرق أوسطية, المغاربة كانوا كيتفرجوا ف الغالب ف قمر هوتبرد, حيت فيه القنوات المغربي, وحيت فيه القنوات امشفرة اللي كتنقل الدوريات الكروية, بالاضافة لرغبة ف الاحتكاك باللغة الفرنسية.

لسنين والمغاربة طباسل بارابولاتهم مفيكسية على هوتبرد. والقنوات اللي كيشوفوا بدرجة أولى هي القنوات الفرنسية. هاد الشي تصادف مع طفولة أو مراهقة الاغلبية مننا اللي غادي يقراو هاد المقال.

هاد التجربة السمعوبصرية ما كانتش مملة, بل كانوا فيها مغامرات ومواقف Awkward. خصوصا ف الاسر المغربية التقليدية. فين كانت تلفازة واحدة كتتفرج فيها الدار كاملة.

هذي 5 مواقف غادي تكون طحتي فيها ف طفولتك ولا مراهقتك, واللي بلا بيها غادي تكون ضيعتي بزاااف!

5. يخسر التلكوموند ونتا كتتفرج

واخا كتعيا تخبط فيه والو. الحجر كيكون جديد ووالو. كيقرر ف داك اللحظة بالضبط ينوض يخسر ويحط ف موقف لا تحسد عليه وما تبغيهش لعدوك.

4. الصوت يتعلى غير بوحدو

خصوصا بالليل ونتا كتتفرج بـ muteو حتا فجأة كيتعلى الصوت بالغلط, وكتفيّق الدار بداك الاصوات الجميلة!

3. تكتب رقم القناة الاولى غلط وتطيح ف قناة ديال البورنو

كتكونوا مجموعين على الطابلة كتاكلو وكتتفرجوا ف الكورة نهار الحد, حتا كيقولك الوالد ديرلنا الاولى نشوفو الأخبار.

كتاخد التلكوموند بكل افتخار وتدير الرقم ديالها باعتبارك نائب الوالد, لكن للاسف ومع الفرحة كتدير رقم غالط وما كتطيح غير ف شي قناة ديال البورنو.

وي, هاد الشي كيبان بعيد الحدوث, لكن جزء من طفولة/مراهقة ملايين الاطفال ف شمال إفريقيا.

2. يتبلوكا البارابول على قناة ديال البورنو

كيكون خدام مزيان, حتا كتوصل لشي قناة إباحية, عاد كيقرر ينوض يتبلوكا ويتكوانسا وما يبغيش يزيد يدير أي حاجة.

الحل الوحيد كيكون هو تنوضو تطفي التلفازة, وتخرج تغبر واحد 6 سوايع ف الزنقة حتا ينساو الدار هاد الفاجعة.

1. يحصلك الوالد ديالك كتتفرج

هذا هو أسوء سيناريو. هاد العبد الضعيف اللي كيكتب هاد الشي ما طاحش فيه لحسن الحظ, لكن كيعرف صحابو اللي طاحوا فيه والتجربة كانت مؤلمة بزاف.

غالبا كتككون بالليل وكتنسا ما تسدش الباب, حتا كتوقع الواقعة, موراها ما كتبقاش تريح مع التلفازة بوحدك.

 

مازال كاين شي موقف ما دركناهش؟ خليه  ف تلعيق التحت!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: ليستة 📋

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…