من هاد الـ 2 كابلات ف البحر جاي الانترنت للمغرب كامل

ويتقطعوا يتقطع عليك الويفي


ادا كنتي من مواليد بعد 1980, صعيب تعيش بلا أنترنت. الانترنت حاجة مهمة ف حياتنا اليوم بحال الماكلة والما. الامر يقدر يجيك مبالغة, لكن جرب تديرها وتعيش غير 48 ساعة بلا ما تستعمل أي خدمة عندها علاقة بالانترنت: ما تقدرش!

وحيت سميتو الشبكة, الانترنت, باستثناء الجيل التالث والرابع, فعلا شبكة ديال الكابلات الفيزيائية متشابكة بينها وكتكونكطي جميع أنحاء العالم. من بيها المغرب. ملي كتكونطا بويفي الدار (اللي عبارة عن ADSL) فنتا كتكونكطا عبر كابلات فيزيائية كتوصلك للسرفر ف الجانب الاخر من البحر.

أغلب هاد الكابلات كتدوز من البحر, كتكون ف القاع ديال البحر ومصنوعة من مواد اللي ما كتتقطعش بالزربة في حالة ما تعرضت لهجوم ما من طرف الاسماء والحيتان, السيناريوهات اللي عادة كتوقع. وفي حالة ما وقع الكارثة, الانترنت كيتقطع حتا يتم اصلاح الكابل. بل أنه هاد الكابلات كتدخل ف الصراعات السياسية, وأي حرب مستقبلا غادي تكون فيها هاد الكابلات معرضة للهجوم.

المغرب حاليا مكونطي بالانترنت عبر 2 كابلات بحرية. الاول كيربط تطوان ب إيسطيبونا ف سبانيا. هاد الخط كتملكو شركة Telefonica واتصالات المغرب. أول مرة بدا ف الخدمة عام 1994 والطول ديالو 113 كيلومتر.

الخط التاني كيربط أصيلا بمارسيليا ف فرنسا. كتملكو بشكل كامل شركة اتصالات المغرب. بدا الخدمة حتا لعام 2007, والطول ديالو 1,634 كيلومتر. وهذا من الاسباب ان اتصالات المغرب هي المحتكر لسوق الـ ADSL ف المغرب.

هاد الموقع كيعطيك خريطة لجميع الكابلات البحرية ديال الانترنت الي كتربط العالم ببعضو. كليكي على التصويرة باش تدخل للموقع. من بعد زومي بالـ mouse وكليكي على الخط باش تشوف معلومات أكثر عليه!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…