5 منافع لشرب كاس من القهوة يوميا على الجسم ديالك

مثلا: كتقلل نسبة اصابتك بالألزهايمر


المغاربة 2 أنواع, اللي كيشربوا أتاي واللي كيشربوا القهوة. القهاوي ف كل بلاصة, بين قهوة وقهوة كاينة قهوة, وبين قهوة وقهوة كاين كذلك قهوة. وبالتالي, القهوة من أكثر المواد اللي كيستعملوها المغاربة. بالاضافة للخبز وأتاي….والحليب.

لكن للأسف نظرة المغاربة على القهوة كتبقا سلبية نوعا ما. أغلب المغاربة كيعرفوا القهوة فقط بأنها كتطيّر النعاس وكتخلي الانسان فايق بالليل. على أي, القهوة عندها عدة فوائد أخرى حتا واحد ما كيهضر عليها. ادا مدمن على الكافيين كل صباح, ولا كل عشية, بحال ملايين المغاربة, هاد المقال غادي يشرح لك بعض من هاد منافع القهوة على جسمك ادا شربتيها بدون إسراف ومرة ف النهار!

1. كتساعد ف الحماية من مرض السكري

داء السكري من أكثر الامراض اللي منتشرة بين المغاربة, أسباباها متعددة. أكثر من 15 دراسة منشورة لقات باللي الاستهلاك المعتدل للقهوة كيحمي من الاصابة بالنوع التاني من داء السكري.

2. تقي من داء باركنسون

ماشي ضروري تعرف شنو هو باركنسون, الله ينجيك منو ما عندك ما تدير بمعرفتو لا دابا لا من بعد, لكن حسب عدة دراسات, استهلاك القهوة عندو علاقة بتدني نسبة الاصابة بهاد المرض الغريب.

3. يقي من أمراض القلب

حسب دراسة دارتها Harvard School of Public Health, استهلاك الكافيين, خصوصا القهوة, بشكل معتدل كيساعد على الوقاية من أمراض القلب.

الاعتدال حسب الدراسة هو ما تفوتش 2 فناجين ديال القهوة ف 24 ساعة.

4. كيقلل نسبة اصابتك بالألزهايمر

وي, غريبة, لكن حسب دراسة تدارت ف جامعات ف فنلندا والسويد عام 2009, ودرست أكثر من 1000 شخص لعشرين سنة, لقات باللي كاينة علاقة بين استهلاك الكافيين, وبين تدني نسبة الاصابة بالألزهايمر ف الشيخوخة.

5. كتخلي نهارك يدوز مزيان

ما كايناش شي دراسة كتقول هاد الشي, لكن كون متأكد أن نهارك ما يمكنش يدوز عيّان ادا بدا بشي قهوة مناسبة لدوقك. بل بالعكس, عندها تأثير سحري على المزاج ديال الواحد, وبالتالي تجنب للسترس وللصداع مع بنادم.

واللي ما تيقش يجرّب….ولكن باعتدال!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: لايفستايل 🎉

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…