هاد سروال الدجينز كلو مقطّع لكن كيسوى أكثر من 168 دولار أمريكي

وخاصك تدير الصف باش تلحق نوبتك


عقلتو ملي كانت بانت داك موضة سراول الدجينز مقطعين شوية من الركبة؟ فئة كبيرة من المجتمع, خصوصا الوالدين, كانوا ضدها وما عجبهمش الحال واعتبروا الامر انحلال أخلاقي.

البعض منهم كان مشا أبعد وقال باللي هاد الشي غير البداية وغادي يأدي لشي عجب أكبر مستقبلا. وحيت كنا مراهقين, ضحكنا على الامر واعتبرناه مجرد تضخيم وصافي. لكن ف الحقيقة….كان عندهم الصح من واحد الناحية ورؤية بعيدة. الامر أدى لما أكبر. بحال مثلا سروال كلّو مقطّع.

هاد الشي بالفعل اللي دارت brand ديال الدجينز أمريكية مؤخرا. خرجت سروال دجينز كلو مقطع فيه فقط الجياب وشي سنتيمترات التحت.

Carmar, اللي مقرها لوس أنجلس, والمتخصصة ف الملابس, قسمت الرأي الانترنت ملي لاحت سؤوالها, اللي سماتو EXTREME CUT OUT JEAN, أونلاين ف موقعها. السروال, وكيفما كيقول إسمو, كلو مقطع وفيه فقط أجزاء قليلة اللي مازال كاينة. الاجزاء اللي مقطعة أكثر من اللي صحيحة. السروال كيبان من  التصاور كأنه دجينز قديم مقطع.

بالاضافة للغرابة ديال الشكل والفكرة, تمن السروال غالي بزاف. باش تلبس هاد السنتيمترات القليلة ديال الدجينز, خاصك تحط 168 دولار أمريكي, أي حوالي 1680 درهم مغربي.

هاد الشي ماشي كلشي. بل جميع القطع تباعت, ودابا باش تشريه خاصك تشد الصف مع ناس بزاف باش تلحق نوبتك.

السروال دار البوز أونلاين ف عدة دول ف العالم ولقى تغطية إعلامية, الشي اللي ماشي بعيد تكون قصداتو الشركة من الديبار, حتا واحد ما كره تغطية إعلامية فابور هكا, خصوصا أن موقع الشركة كيبيع سراول دجينز أخرى عادية.

ادا كان هاد السيناريو هو اللي كاين, فمول الفكرة يستاهل نرفعو ليه القبعة على هاد الفكرة العبقرية. قدر يخلي العالم كلو يعرف شركتو بأقل المصاريف!

هذي تصاور هاد السروال من موقع الشركة. التصاور Not Safe For Work!

من بعد ما شفتي التصاور, شحال تعطي ف هاد السروال؟ 

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: لايفستايل 🎉

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…