أكثر العاطلين عن العمل ف المغرب هوما اللي عندهم شواهد — المندوبية السامية للتخطيط

وصحاب التكوين المهني هوما الاكثر تأثرا


خديتي ديبلوم من بعد ولكن مريح شوماج حيت ما لقيتيش خدمة؟ ماشي بوحدك, ما تخافش. فحسب المندوبية السامية للتخطيط, أكثر العاطلين ف المغرب هوما من حاملي الشواهد ديال ما بعد الباك. عكس اللي ما عندهمش شواهد, اللي مندمجين ف سوق الشغل عادي.

التقرير اللي أصدرتو الـ HCP البارح, قال باللي أكثر العاطلين ف المغرب هوما الناس الي كملوا قرايتهم وخداو ديبلوم, سواءا ف التعليم العالي ولا التكوين المهني. هاد الاخير, واللي عكس الفكرة اللي كتسوق وزارة التعليم والتكوين, كيبقا هو أقصر طريق للشوماج.

الدراسة، اللي كشف أحمد الحليمي، المندوب السامي للتخطيط، نتائجها ولبارح 2 ماي, لقات أن المغاربة اللي ف سن الشغل القانوني كيشكلوا 63% من مجموع سكان المغرب. هاد العاملين, أكثر من نصهم ما عندهم أي ديبلوم, وخدامين ف خدامي ما كتتطلبش تكوين مهني ولا أكاديمي.

الدراسة لقات كذلك ان نسبة البطالة عند حاملي شواهد التكوين المهني أعلى من حاملي باقي الشواهد. 25.5% من حاملي شواهد التكوين المهني عاطلين, مقابل 22.4% من الناس اللي عندهم الباك, و 15.9% عند الناس اللي عندهم ماستر.

ف التكوين المهني دائما, كلما ارتفعت الشهادة كلما ارتفعت نسبة البطالة. نسبة البطالة عند الناس اللي عندهم شهاة التقني المتخصص أعلى من اللي عندهم شهادة الاستئناس المهني.

على أي, أحمد لحليمي, أشار أن النتائج والاستطلاعات اللي كتنشرها المندوبية السامية للتخطيط تستند إلى البيانات اللي تم جمعها خلال الإحصاء العام ديال عام 2014، أي أنها تستند إلى وضع المغرب منذ 4 سنوات، وما كتاخدش بعين الاعتبار التغير اللي وقع خلال هاد الفترة.

ما علينا, فآشمن فئة نتا من هذو؟ خلي تعليق!

 

المصدر: منارة

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: واو! 😮

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…