الرابور Muslim وسط ضجة أنترنيتية بسبب فيديو دارو حول عدم مشاركتو ف المقاطعة

تاني ضحايا حملة المقاطعة ف المغرب


يبدو أن علاقة حملة المقاطعة والتصريحات وزلات اللسان مازال ما ناوياش تنتهي. من بعد عادل بنكيران, المسؤول ف شركة ديال منتوجات الحليب, آخر ضحية, إن صح التعبير, هاد المرة هو مغني الراب الطنجاوي المعروف بـ Muslim.

مسلم, وقبل أيام دخل ف مشادات كلامية مع بعض المعجبين بسبب عدم مسادنتو لحملة المقاطعة. قال باللي ما يحتاجش يلوح تصويرة مكتوب عليها مقاطعون, حيت هو فنان ديال الواقع وماشي ديال المواقع, عكس فنانين أخرين اللي ساندوا المقاطعة فقط باش يركبوا على الموجة.

#متمرّدون# ✊👊

A post shared by Muslim (@muslimprodofficial) on

هاد التصريح دار ردود فعل سلبية, بزاف انتقدوه على عدم مشاركتو واختيارو لهاد الموقف, خصوصا أنه غادي يقدر يخلي بزاف يقاطعو بسبب تأثيرو عل جمهورو.

باش ينهي هاد الخلاف, مسلم قرر يدير فيديو يفسر فيه موقفو. لكن للأسف الفيديو زاد الطين بلة وعمق الخلاف.

البارح لاح فيديو قصير مصور وهو ف الطونوبيل, عنونو Hadchi li Kayn ✊, حاول يشرح فيه موقفو وعلاش اختار ما يساندش المقاطعة بحالما داروا عدة فنانين.

ف الفيديو, مسلم, قال باللي اغانيه ومواقفو ديجا كتقول أنه مع المقاطعة, وباللي ما يحتاجش يكتبها ولا يقولها باش يتعرف أنه مقاطع, وأن المقاطعة ما تحتاجش دعم الفنان, بل هو ديال المهام الصعبة, اللي فعلا تحتاج لدعم الفنانين والمؤثرين.

هضرة مسلم ما عجبتش بزاف ديال الناس ف الصوشل ميديا المغربية. خصوصا جملة “أنا ديال المهام الصعبة”, اللي تحولت بالزربة لـ meme ومادة ديال التقشاب والسخرية, اللي غالبا غادي تكون شفتيها ولا غادي تشوفها ف الساعات الجاية.

لحد الساعة مسلم مازال ما دار حتا توضيح لهاد التوضيح. تعليقات سلبية بزاف على الفيديو.

هذا الفيديو ديال التوضيح ديال مسلم, واللي داير عليه الفيلم ككل:

Hadchi li Kayn ✊

A post shared by Muslim (@muslimprodofficial) on

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: Trending 🔥

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…