الفيسبوك غادي يزيد خاصية للـ dating وغادي ينافس Tinder

أخيرا دارها زوكربرك!


الملايين تزوجوا ولقاو الطرف الاخر ديالهم من خلالو حول العالم. لكن الفيسبوك عمرو أقر ولا ركز ف أنه يكون Dating app مخصص للمواعدة أونلاين. لكن اليوم الامر أختلف. الفيسبوك أعلن اليوم عن دخولو لحلبة الـ Dating ومنافسة Tinder و Spotted من خلال إضافة عدة خاصيات كتمكن المستعمل من التعرف على الناس من الجنس الاخر بهدف انشاء علاقات غرامية.

الفيسبوك عندو معلومات دقيقة عليك  وعلى شخصيتك, فعلاش ما يستعملهاش باش يعاونك تلقا الطرف الاخر؟ يبدو أن مارك قرر أخيرا يستغل هاد النقطة.

الخاصية اللي أعلن عليها الفيسبوك غادي تكون ف نفس “الفيسبوك”, لكن ما غاديش تستعمل الاسم اللي كتخدم بيه ف الكونط العادي. غادي تعطاك امكانية انشاء بروفيل خاص بالمواعدة بالاسم الشخصي فقط, مع امكانية اضافة تصاور ومعلومات شخصية عليك. بحال أي تطبيق آخر ف الدومين.

من خلال هاد البروفيل, المخصص للـ Dating, غادي تقدر تكتشف Events و Groups ف مدينتك حسب المعطيات اللي كتشبه للإهتمامات ديالك, وتـ unlock ـيهم باش تقدر تكتشف الناس اللي حتا هوما مهتمين بنفس المجموعات ولا الـ events.

من بعد ما يعجبك الطرف الاخر, اللي كتشاركوا نفس الاهتمامات, غادي تقدروا تهضرو ف inbox خاص, مختلف على المسنجر وعلى الواتساب. الإينبوكسات غادي تكون مفروقة باش ما يوقعش الخلط.

نشاطك, ولا بروفايلك بصفة عامة, ما غاديش يبان لأصدقائك ف الفيسبوك العادي, وماغاديش يبان كذلك ف النيوزفيد ديال صحابك. الامر غادي يكون شبه سري.

هاد الخاصية الجديدة غادي تدخل لحيز التجريب ف الاواخر ديال هاد العام. التاريخ تحديدا مازال ما تمش الاعلان عليه.

المصدر: TechCrunch

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…