شجرة لكل دار — المشروع الطموح اللي باغي يحوّل كازا من الدار البيضاء للدار الخضراء من هنا لـ 2020

وداعا للتلوث ومنظر الزفت


إيلا كنتي بيضاوي, أو فقط سكنتي مدة معينة ف المدينة, فغالبا كتلاحظ أن الدار البيضاء ما ناقصها والو من غير مساحات خضراء تخضر فيها العينة وتشّم هوا نقي، هاد المعطي غادي يتغيّر مستقبلا، بفضل هاد المشروع ديال شجرة لكل دار. المشروع اللي من المقرر يتم إنجازه من هنا لعام 2020.

كلشي كيعرف أن مدينة الدار البيضاء كتعاني خصاص في المساحات الخضراء، بحيث حاليا ما زالة بعيدة على توفير المساحة الخضراء الكافية المنصوح بيها من طرف منظفة الصحة العالمية. واللي حددتها ف ما بين 10 و 15 متر مربع لكل فرد. كازا مازال عبارة عن كتلة إسمنتية كبيرة وفق هاد المعيار.

هذاك الشي علاش مدينة الدار البيضاء رفعت التحدي و قررت تدير عملية غرس ل 500 ألف شجرة من هنا لنهاية العقد في 2020، باش تحقق معدل شجرة لكل دار. مع العلم باللي ديجا المدينة كتوفر على 350 ألف شجرة مغروسة. كازا غادي يولي فيها 850 ألف شجرة عام 2020.

هاد العملية بدأت في 2017، و لحد الساعة تغرست فيها 7000 شجرة من طرف مجلس المدينة، اللي غيكون مكلف بالتكفل بالنصف الأول للمشروع، قبل تمرير النصف الثاني منه لشركة الدار البيضاء للتهيئة — Casa aménagement.

ولكن آشمن شجر بالضبط غادي يغرسوا ف كازا؟

إيلا كنتي كتساءل على إينا أشجار غادي يغرسوا ف هاد المشروع بحال كازاويين بزاف, الاشجار غادي تكون من نوع Ficus Retusa، اللي كيشكل ديجا 75% من أصناف الأشجار المدينة البيضاء، اللي بدأت كتعرف مؤخرا وعي بأهمية المساحات الخضراء. الشي اللي كيبان من خلال مشاريع بحال إعادة تهيئة حديقة الجامعة العربية و الفضاء الغابوي بوسكورة مرشيش.

2020 ما بقا ليها والو, وقريبا –ادا نجح المشروع (نتمناو)– غادي نضطرو نقولو الدار الخضراء بدل الدار البيضاء. وباش تتأكد أن المشروع غادي ينجح, ما تنساش تغرس حتا نتا شجرة ف أقرب بلاصة ممكنة!

 

المصدر: Lesiteinfo

خلي صوتك

2 نقط
Upvote Downvote

Total votes: 2

Upvotes: 2

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كرياتيف 💡

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…