6 كلمات وتعابير لاتينية باش تعيق على صحابك وتبان مثقف وقاري بزاف

واخا ما تكونش قاري أصلا...


للأسف اللغات الاجنبية ف المغرب ما بقاتش مجرد وسيلة للانفتاح على التقافات الاجنبية والاطلاع على المحتوى اللي كيتم انتجاو بهاد اللغات, بل ولات وسيلة للعياقة ولتحديد الانتماء المجتمعي.

اللغة, بدل كونها وسيلة, ولات غاية ف حد داتها. مئات الاف المغاربة كيحاولوا جاهدين يوميا يدخلوا كلمات أجنبية ف الدارجة باش يعطيو الانطباع أنهم فاهمين كتر من الاخرين. طبعا, كاين الحالات اللي كيكون فيها الشخص, ونظرا لاحتكاكو باللغة الاجنبية بشكل كبير, عاجز على ايجاد مصطلحات معينة بالعربية ولا الدارجة وكيظطر يستعملها بالفرنسية, لكن ف حالات بزاف الامر مجرد عياقة للأسف.

كل واحد حر طبعا ف الطريقة اللي بغا يهضر بيها, لذلك حتا نتا مارس هاد الهواية., وبيّن على مدى اطلاعك على ثقافات اوروبا, واستعمل هاد الـ 6 كلمات وتعابير لاتينية:

1. et cetera

وي, معروفة, لكن بزاف ما كيعرفوش كيفاش كتكتب باللاتينية. بدل ما تكتبها باختصار etc, كتابها كاملة غادي تبينك انسان فاهم آش كتقول…واخا تكون غير كتخربق.

2. Mea culpa

في حالة ما خرجتي عينيك وعاقوا بيك, قول Mea culpa. هي حرفيا كتعني الغلط ديالي, لكن باللاتينية غادي تبينك إنسان موضوعي ومحايد وكتعترف بالغلط ديالك.

3. Ergo

هي نفسها “إذن”, ولكن علاش تستعمل إذن ولا Donc ونتا تقدر تستعمل Ergo وتبان انسان مثقف بزاف؟

4. De facto

هذي أهم واحدة, وبعيدا على العياقة, تعبير De facto ما كاينش ف العربية وخاصهم يخترعوا شي كلمة خفيفة.

الديفاكتو هي الحاجة اللي كتكون عكس المعترف بيه قانونيا ولا رسميا. مثلا: اللغة الرسمية ديال المغرب هي العربية والامازيغية, لكن اللغات الرسمية De facto ديال المغرب هوما الدارجة, الشلحات, والحسانية.

العكس ديال De facto هو De jure. الحاجة اللي رسمية قانونيا, ولكن ماشي ف أرض الواقع.

5. Per se

نقدرو نترجموها للعربية ل “ف حد داتها”. مثال: اللغة المستعملة ماشي مهمة per se, ولكن الميساج هو اللي مهم.

6. Status quo

ملي تبغي تهضر ف السياسة وتبان مطلع على الاحداث وعارفها باش منفوخة, ما غاديش تلقا أحسن من سطاطوس كوو.

معناها الحرفي الحالة الراهنة, والمقصود بيها أي حالة, غالبا, ف المجال السياسي واللي ماشي بالضرورة هي ىش خاص يكون.

مثلا, الطاطس كوو ديال الموضوع x كيفرض القرار Y.

7. Pro bono

بدل ما تقول للمصلحة العامة وتبان انسان عادي, قول Pro bono, اللي كتعني نفس الشيء, وتبان انسان دكي بزاف ومطلع على الادب اليوناني واللاتيني كتاب كتاب.

 

خلي صوتك

3 نقطة
Upvote Downvote

Total votes: 5

Upvotes: 4

Upvotes percentage: 80.000000%

Downvotes: 1

Downvotes percentage: 20.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: ليستة 📋

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…