رسميا Tom Hardy غادي يلعب دور Al Capone ف فيلم جديد غادي يخرج ف 2019

فيلم حول الايام الاخيرة عن حياة Al Capone


عزيز عليك  أفلام ولايفستايل المافيا ف السنما؟ وعزيز عليك كذلك الممثل البريطاني Tom Hardy؟ كاين خبر زوين ليك غادي يعجبك. طوم هاردي أكد رسميا مشاركتو ف فيلم كيدور على حياة زعيم المافيا الشهير Al Capone.

الفيلم سميتو Fonzo, غادي يبدا تصويرو ف 2 شهر أبريل الجاي. طوم غادي يلعب دور زعيم المافيا الغني عن التعريف Al Capone.

آل كابوني, أو آل كابون, للناس اللي ما كيعرفوهش, تشهر ووصل لقمة مسيرتو المافيوزية ف فترة الـProhibition ف أمريكا. الفترة ما بين 1920 و 1933 فين أمريكا كانت مانعة بيع المشروبات الكحولية. آل كابوني, استغل الفرصة, وسيطر على سوق التهريب ديال المشروبات الكحولية ف أمريكا الشمالية لاكثر من 10 سنين وبنا امبراطوريتو الاجرامية.

الفيلم, غادي يدور حول الايام الاخيرة ديال المافيوزي ذو الاصل الطالياني. آل كابون, رغم شهرتو وسيطرتو على عالم المافيا ف أمريكا لسنين, مات صغير عن عمر 48 عام, من بعد ما دوز 8 سنين ف الحبس بسبب التهرب الضريبي. الاسام الاخيرة ديال ألفونص كانت صعيبة ودوزها ف العلاج من عدة أمراض عانى منها, قبل ما يموت نهار 25 يناير 1947.

طوم هاردي, وحسب ما دكرت عدة مصادر أمريكية, رسميا دابا غادي يلعب دور آل كابون ف الفيلم. اللي من المقرر يخرج عام 2019. الفيلم من اخراج Josh Trank, اللي سبقلو قام باخارج Fantastic Four.

الممثل الانجليزي ماشي أول مرة يلعب دور زعيم عصابة أو مجرم, لكن الاختلاف الكلي بين شخصيات طوم, وال كابون, غادي يخلينا نشوفو كيفاش أنه غادي يقدر يتغلب على الاختلافات ويدخل ف الدور. الفيلم قطعا غادي يكون جدير بالمشاهدة!

Al Capone رغم حياتو القصيرة, ولى جزء من الـ popular culture ف العالم. حياتو ولات موضوع لعدة اعمال فنية. من موسقى أفلام, لراويات, مرورا بوثائقيات. وهذا غالبا كيفاش كتشفتيه وعلاش بغيتي تتفرج ف الفيلم عليه!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: سينما 📽

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…