6 قنوات طبخ مغربية ف اليوتوب غادي تعلمك تطيب ادا كنتي زوفري

وتتهنا من ماكلة الزنقة une fois pour toutes


الماكلة هي أكبر عائق للشباب اللي ساكنين بوحدهم. ماكلة الزنقة كتطلع ف الراس وكتهلك الميزانية, خصوصا للطلبة. تعلم الطياب كيبقا حل واقعي لتفادي الماكلة برا وللحفاظ على الميزانية. كيفاش تتعلم الطياب؟ قنوات الطبخ المغربية على اليوتوب!

حيت الانترنت جا باش يحسّن حياتنا كبشر, ومع ثورة الانترنت ف المغرب, بانت عدة قنوات ف اليوتوب مختصة ف تقديم فيديوات تعليمية على كيفاش تطيّب الشهيوات المغربية. هاد القنوات عادة كيديروها ربات بيوت مغربيات عاديات عندهم الـ access للانترنت. ف العادة كيكون إسمهم كيبدا بأم فلان (لتفادي المشاكل مع الـ trolls وحفاظا على الخصوصية). الهدف منها كيكون تعليمي وتشاركي ديال المعرفة بين ربات البيوت المغربيات أونلاين. الكوميونيطي اللي غادية وكتكبر, خصوصا ف اليوتوب المغربي.

الاف الشباب, خصوصا الطلبة ف مدن آخرى والزوافرية اللي عايشين بوحدهم, تعلموا من هاد القنوات كيفاش يطيّبوا شهيوات مغربية بنينة ما كانوش يحلموا ياكلوها لولا اليوتوب. هاد الامهات كيقدموا طريقة الطياب بطريقة بسيطة وسلسلة يقدر أي واحد يتبعها.

بالاضافة لتعليم الشباب, هاد القنوات كتساهم ف الحفاظ على المطبخ المغربي ونشرو على المستوى العربي, ف اطار نشر التقافة المغربية.

ادا كنتي باغي تتعلم تطيب البسطيلة, السفّة برزة القاضي, أو حتا كسكسو بسبع خضاري, هذي 6 قنوات طبخ مغربية غادي تخرج منها طيّاب ماهر وما تعاودش تمشي لشي صناك:

 

1. قناة دعاء للوصفات الناجحة والمبسطة

 2. المطبخ المغربي مع حكيمة

3. مطبخ خوخة

4. شهيوات داري مع حليمة الفيلالي

5. شهويات نادية الفاسية

6. مطبخ أمينة المراكشية

 

طبعا كاينين بزاف, وكيشرحوا عدة وصفات, لكن ايلا تعلمتي من هذو تطيّب غير الرفيسة راه إنجاز خاصك تزيدو ف الـ CV!

خلي صوتك

3 نقطة
Upvote Downvote

Total votes: 3

Upvotes: 3

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: لايفستايل 🎉

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…