بحال شي مسلسل أمريكي, إعتقال Serial killer مغربي قتل 8 متشردين بنفس الطريقة

تقول غير Dexter على الطريقة المغربية


كون ما تنشرش الخبر ف موقع Telquel, ومواقع إخبارية أخرى موثوقة, كون قلت أنه غير كنلهوس حيث كثرت مؤخرا من المسلسلات الامريكية, خصوصا مسلسل Dexter اللي كيناقش نفس الموضوع. لكن الخبر فعلا حقيقي: اعتقال قاتل متسلسل متهم بقتل على الاقل 8 أشخاص ف مناطق بالمغرب.

ف إيمنتانوت, ف شيشاوة, السلطات المحلية تمكنت مؤخرا من اعتقال شخص متهم بقتل 8 متشردين ف منطقة سوس, وترويع مئات الالاف الاخرين من المواطنين. آخر ضحاياه تلقا ف بداية شهر مارس ف الطريق بين أيت ملّول وإنزكان.

القاتل, حسب جريدة الصباح, كان كيتصيد ضحاياه, فقط من المتشردين, ويخليهم حتا ينعسوا بالليل, ويمشي يقتلهم عن طريق تهشيم ريوسهم بالحجر, وما كيمشي بحالو حتا كيتأكد أنهم ماتوا.

القضية كانت حيرت البوليس والجوندارم ف المنطقة لاشهر, وخلاتهم يعلنوا حالة الاستنفار من بعد تكرار نفس طريقة القتل. القاتل قتل الضحايا التمانية ف مدة قصيرة ما بين ديسمبر 2017 ومارس 2018. ديما كانوا الضحايا كيموتوا بنفس الطريقة: الضرب على الراس بالحجر حتا كيموتوا!

القضية كانت دارت ضجة ف الصحافة قبل أيام من بعد العثور على الجثة رقم 8 عليها نفس علامات اللي سبقوها.

لحد الساعة مازال ما كاينش معلومات على المتهم ولا خلفيتو ولا علاش كان كيختار غير المتشردين.

للإشارة, هذا ماشي أول قاتل متسلسل ف التاريخ ديال المغرب. سبقوه آخرين, أهمهم بوصمة اللي قاتل سوس كيستعمل نفس أسلوبو. كون نجمعو قصصهم نقدرو ننافسو مسلسلات هوليوود وعلى راسهم Dexter!

المصدر: موقع Telquel ومغرس 

خلي صوتك

3 نقطة
Upvote Downvote

Total votes: 3

Upvotes: 3

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تيفي 📺

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…