بحرف واحد تقدر تبلوكي أي iPhone ولا iPad ف العالم –الالاف وقعوا ضحية لهاد المشكل

وتطبيقات الشات ما كتبقاش تبغي تخدم


مستعملي منتجات Apple عادة ما يكميلوا لأنهم يمدحوا أجهزتهم لكونها آمنة بزاف وما كيوقعوش فيها مشاكل ف النظام ولا ف الـ Hardware عكس تلفوات الاندرويد, لكن مع هاد الـ Glitch اللي انتشر مؤخرا, الامور غادي تتغير.

الأمر كيتعلق بـ Glitch ف تطبيقات الشات, كيخلي الجهاز يتبلوكا وما يبقاش يستاجب, ومن بعد التطبيقات ديال الشات ما كتبغيش تتحل. جميع تطبيقات الشات اللي ف الايفون معرضة لهاد المشكل, سواءا تطبيق الميساجات اللي ديجا ف الايفون, ولا الـ Messenger والـ WhatsApp.

أول واحد اكتشف هاد التغرة هو موقع إيطالي مختص ف التقنية ف شهر واحد, قبل ما تنشتر ف الاسابيع القليلة الفايتة عدة فيديوات ف تويتر كتبين المشكل.

المشكل كيوقع ملي الايفون, أو الـ iPad, كيتسقبل ف ميساج واحد الحرف بلغة الـ Telugu. ملي كتحل الميساج التلفون كيتبلونطا والـ App ما كيبغيش يعاود يتحل.


الـ Telugu, ادا ما سبقلكش سمعتي بيها, هي لغة مستعملة ف بعض ولايات الهند. كيهضروها تقريبا 70 مليون واحد.

الحرف ما مشهورش بزاف ف هاد اللغة المحلية, لكن ملي تم استخدامو أول مرة صدفة تسبب ف مشكل للايفونات ديال المستخدمين المحليين, قبل ما يتشهر ف العالم ويوليو الـ Trolls يستعملوه أونلاين باش يتسببوا ف مشكل لناس غرباء for fun.

وشنو الحل ادا صيفطولي شي واحد ما كنعرفوش؟ شركة Apple قامت باصلاح المشكل ف التحديث الاخير ديال النظام. لكن ايلا ما قادرش تطيليشارجي التحديث, كاين حل آخر أبسط.

خليك ف الـ Home screen, واطلب من شي صاحبك يصيفطلك شي ميساج عشوائي. ملي تبان لك الـ Notification كليكي عليها, ومن بعد سير للـ Conversations وامسح الميساج اللي فيه الحرف المسؤول على المشكل. موراها غادي تقدر تحل التطبيق عادي.

مازال كتظن أن ايفونك أحسن تلفون ف العالم؟ اقرا كذلك: 6 أسباب علاش خاصك تبيع الـ iPhone وتشري سمارتفون Android

خلي صوتك

-1 نقطة
Upvote Downvote

Total votes: 1

Upvotes: 0

Upvotes percentage: 0.000000%

Downvotes: 1

Downvotes percentage: 100.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…