أخيرا جامعة مغربية ظمن أفضل 1000 جامعة ف العالم لعام 2018

وي, جامعة مغربية حكومية!


للأسف كلنا مقتنعين أن تعليمنا الجامعي ميت. الجامعة كيديروها فقط اللي ما عندهمش بديل, أو هي البلاصة الوحيدة اللي كيتقرا فيها اش بغاو, لكن أخيرا كاين خبر زوين شوية كيرجع الأمل ف التعليم الجامعي المغربي. جامعة مغربية قدرت تدخل لتصنيف QS World University Rankings المختص ف تصنيف الجامعات والمعاهد التقنية حول العالم.

الامر كيتعلق بجامعة محمد الخامس بالرباط, اللي جات ف الرتبة 801 عالميا من أصل 1000 جامعة ف تصنيف QS World University Rankings. هاد الرتبة كتجعلها الاولى مغربيا, والـ 45 إفريقيا. أما عربيا, فالجامعة ترتيبها 71 من أصل 80 جامعة.

طبعا, الرتبة ماشي متقدمة. لكن هذي أول مرة شي جامعة مغربية تدخل لهاد التصنيف اللي كيصدر من عام 2004 عن Quacquarelli Symonds, الشركة البريطانية المتخصصة ف التعليم العالي.

إفريقيا, جامعات جنوب إفريقيا مسيطرة على المراتب الاولى. جامعة Cape Town احتلت المرتبة 191 عالميا, تابعاها جامعة  Stellenbosch. بينما الجامعة الامريكية بالقاهرة جات ف المرتبة 395 عالميا.

أما عالميا فمعروف شكون المسيطر. جامعات أمريكا شادة أول 4 مراكز, قبل ما تدخل على الخط بعض الجامعات البريطانية. الـ MIT ف الرتبة الاولى تابعاها ستانفورد, هارفرد, ثم California Institute of Technology.

شنو المعايير اللي كيستعملوا ف الترتيب؟ الترتيب كيعتمد على 3 معايير رئيسية ف التقييم: السمعة الأكاديمية, نسبة أعضاء هيئة التدريس/الطلبة, وسمعة المؤسسة دوليا. بالاضافة لـ 3 معايير أخرى تقدر تكتشفها هنا بالتفصيل.

كتقرا ف هاد الجامعة؟ مبروك آ سيدي/لالة هاد الانجاز التاريخي! واخا المرتبة 801 ماشي شي حاجة, ولكن We are proud of you أنكم دحلتوا للتصنيف ورفعتوا راية البلاد. المرة الجاية بغيناكم مع أحسن 500!

خلي صوتك

1 نقطة
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…