باش تشجع الشباب على التصويت, حملة بوتين الانتخابية كتستعمل فيديوات ذات طابع جنسي

غادي تبغي تصوّت واخا ماشي مواطن روسي


ف جميع العالم, الشباب هم أقل فئة عمرية كتشارك ف الانتخابات. يبدو انك ماشي الوحيد اللي كتعكز نهار الانتخابات تفيق بكري خاسر وتمشي تشد الصف وتصبغ صبعك بداك المداد. الملايين حول العالم بحالك, من بيهم الشباب ف روسيا, اللي ما مسوقينش للانتخابات الرئاسية.

روسيا غادي تعرف ف 18 من الشهر الجاي الانتخابات الرئاسية. أهم انتخابات ف النظام السياسي ديالهم. الصوشل ميديا دابا عندهم شاعلة بالحملات الانتحابية والبوسطات السياسية. الرئيس الحالي فلاديمير بوتين حتا هو مرشح لولاية أخرى, وحملتو يبدو ما غاديش تسمح بأنها تخسر, وللتأكد من ذلك, كتستعمل جميع الوسائل الدعائية الممكنة.

من الوسائل الجديدة اللي لقاو مساندي الرئيس بوتين لتشجيع الشباب لأنهم يصوتوا هي فيديوات وتصاور ديال مودلز دات طابع جنسي.

واحد من أشهر هاد الفيديوات دارتو مجلة Maxim (الـ PlayBoy ديال روسيا) وكتقارن فيه بين الجنس والتصويت. المودل كتدير حركات اللي كتحاول تجر المشاهد لأنه يمشي لمركز الاقتراع يصوّت.

هاد الفيديو ماشي هو الوحيد, عشرات التصور والفديويات الاخرى المشابهة دايرة البوز. أغلبها كتتشارك ف الايحاءات الجنسية, اللي كلها الهدف منها تشجيع الشباب على التصويت ف الانتحابات الرئاسية. من أشهر هاد الجمل, واللي غادي تفهمها واخا ما تكونش مهتم بالسياسة هي “All that happens at the polling station will remain at the polling station” و “Waiting for you in the booth!'”

روسيا, ورغم أنها من الدول المهمة ف الساحة السياسية ف العالم, إلا أن وضعها السياسي الداخلي ماشي حتا لتم. المعارضة ديما كتتهم السلطات بعدم الديموقراطية والتعديب وباقي التهم اللي كنسمعو عادة ف المغرب, فقط الفرق هو أن النظام الروسي كيعرف كيفاش يدير الحملات التشجيعية على التصويت.

خلي صوتك

3 نقطة
Upvote Downvote

Total votes: 3

Upvotes: 3

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كرياتيف 💡

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…