الـ Nas Daily: أسرع Vlogger إنتشارا ف الصوشل ميديا دابا ف المغرب

وعاجبو الحال!


من أكثر الـ Vloggers انتشارا ف الصوشل ميديا ف العالم. ف مدة قصيرة جدا قدر يوصل لداك الشي اللي ما قدروش ناس ف سنين يوصلو ليه. صفحتو ف الفيسبوك فيها أكثر من 4 ملايين لايك حاليا وفيديواتو Featured ف أكثر وسائل الاعلام انتشارا.

إسمو الحقيقي, نصير ياسين, 26 سنة, مواطن إسرائيلي من عرب 48, قرا ف جامعة هارفرد ومن بعد التخرج خدم كمهندس ف شركة PayPal, لكن واحد النهار قرر يسمح ف الخدمة ويتسارا العالم ويصوّر مغامرتو فيديوات قصيرة من دقيقة يوميا. كل نهار كيلوح فيديو بعنوان Day ورقم النهار اللي وصل ليه من نهار بدا.

اليوم وصل الـ Day 679, حوالي عامين وهو كيسافر. مؤخرا, للمرة التانية, جا دوز ف المغرب 6 أيام, تسارا فيها المغرب وصور فيديوات بزاف حول الناس والتقافة ف بلادنا.

الفيديو ديالو اللي دار بيه البوز ف المغرب هو ديال جامعة القرويين ف فاس, اللي زارها وصور فيها فيديو من دقيقة تشاف حوالي 2 مليون مرة. قبلها موراها لاح فيديوات أخرى أقل شهرة من المغرب, أهمها فيديو عن مرشد سياحي ف فاس عمرو قرا ف للمدرسة, ولكن كيهضر عدة لغات بأكسون ديال الـ Native speakers, أهمهم الانجليزية والالمانية.

نصير ياسين مازال كيسافر وما ناويش يتوقف. زار أكثر من 50 دولة ف جميع القارات. مغامرتو اللي بدات كهواية دابا تحولت لشركة ديال الاشهار أونلاين باستعمال الـ Viral content.

فيديوات نصير ف المغرب:

خلي صوتك

1 نقطة
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كرياتيف 💡

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…