كتبت بوست ف LinkedIn كتقلب على سطاج– دار البوز — جاها سطاج ف مايكروسوفت

وي, بهاد السهولة وبهاد الزهر!


اللي قالك الصوشل ميديا مضيعة للوقت خاصو يشوف هاد الطالبة من جامعة ميامي اللي كتبت بوست ف لينكدن كتقلب فيه على سطاج, من بعدما راسلت شركات بزاف بدون جدوى, فجاها عرض من شركة مايكروسوفت.

ف نوفمبر اللي فات الطالبة Akosua Boadi-Agyemang, وعملا بالنصيحة اللي سمعاتها بزاف ديال “كوني جريئة“, كتبت بوسط ف موقع لينكدن كتشكي فيه كيفاش أنها ما لقاتش سطاج رغم أنها عيات ما تراسل ف الشركات. ف البوسط ديالها طاكات الـ CEO ديال LinkedIn وشكراتو على الموقع اللي دابا أملها الوحيد. البوست لحسن الحظ دار البوز وتفاعلو معاه الالاف وتبارطاجا بزاف.

من خلال التعليقات جاوها مئات عروض السطاجات من عند ناس مسؤولين أو مالكين لمقاولات ومحتاجين متدربات ف المحاسبة. غالبا جاه الضعف ف الميساجات وف باقي وسائل التواصل الاجتماعي.

ولبارح, نفس الطالبة رجعت ببوست جديد طويل كتخبر فيه العالم باللي غادي تدير سطاج ف شركة مايكروسوفت. الطالبة تبين أنها من زمبابوي, فين أول مرة غادي تستعمل كمبيوتر كان باستعمال مايكروسوفت, بحال أغلب الاطفال ف العالم التالث.

 

البوسط الاصلي:

البوسط الجديد ديال الخبر:

خلي صوتك

3 نقطة
Upvote Downvote

Total votes: 5

Upvotes: 4

Upvotes percentage: 80.000000%

Downvotes: 1

Downvotes percentage: 20.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كرياتيف 💡

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…