المغرب من أوائل الدول اللي أطلق فيها الفيسبوك Marketplace

والدرهم المغربي كاين كعملة للبيع والشرا


مئات ألاف (أو ربما ملايين) المعاملات التجارية تمت باستعمال الفيسبوك ف المغرب. المجموعات ديال البيع والشرا تكاثرت ف السنوات الاخيرة بشكل كبير بزاف. مؤخرا الفيسبوك أعلن عن إطلاق خدمة جديدة متخصصة ف البيع والشرا, والمغرب من أول الدول العربية اللي تم أطلاقها فيها.

الخدمة الجديدة ديال الفيسبوك, في حالة ما جاكش نوتفكايشن كيعلمك بيها, سميتها Marketplace, أو السوق بالانجليزية. الماركتبلايص, وعكس المجموعات ديال البيع والشرا التقليدية, كيعطيك عدة امتيازات و Filters, منها البحث حسب الصنف والقرب من منطقتك, بالاضافة لخريطة كتبين البائع فين كاين. تماما بحال المواقع ديال البيع والشرا التقليدية, لكن هنا كتتواصل باستعمال المسنجر بالحساب العادي ديالك.

الخدمة متوفرة دابا للمغاربة ف السمارتفونات والحواسيب وبجميع اللغات. عكس شحال هذي, اللي كان الدرهم ما كاينش ظمن العملات والمغاربة كيستعملوا الدولار أو الاورو (الشي اللي كان كيكون غريب), دابا تقدر تختار الدرهم المغربي للتمن اللي باغي تبيع بيه سلعتك.

ف ماركتبلايص تقدر كذلك تبيع أي سلعة بغيتي. المستخدمين عندهم امكانية التبليغ على السلع والخدمات اللي مخالفة أو غير قانونية.

المغرب من ظمن دول قليلة تم اطلاق هاد الخدمة فيها ف الشرق الاوسط وشمال إفريقيا. الدول الاخرى هي مصر والجزائر, اللي حتا هوما تم اطلاق الخدمة فيهم ف نفس النهار. ف أمريكا, الخدمة متوفرة من عام 2016.

الماركتبلايص ما تحتاجش تطيليشارجيه, كاين ظمن الـ App العادي ديال الفيسبوك ف البلاصة فين كاين  Groups و Saved. فقط غادي تحتاج تدير الميزاجور للتطبيق. أما ف PC فغادي تحتاج تدخل ليه من هنا.

خلي صوتك

1 نقطة
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…