هاد التلميذة المغربية ربحت جائزة ف سبتة — وملك اسبانيا استقبلها شخصيا ف القصر

وبينت لسبانيا باللي المغاربة حتا هوما مبدعين وأدكياء!


المسابقات المدرسية من الحوايج اللي كانوا عزاز على بزاف مننا. خصوصا ايلا كانت الجائزة شي حاجة قيمة ولا شي تسافيرة, أو على الاقل شي نص نهار بلا قراية باش نلعبو.

التليمذة المغربية رميساء عبد السلام عندها الزهر كتر, حيت ربحت ف مسابقة جائزتها زيارة لمدريد للقاء ملك سبانيا والنقاش معاه…وطبعا على الاقل 3 أيام راحة بلا قراية ديال المسارية.

التليمذة اللي ساكنة ف مدينة سبتة المحتلة وكتقرا ف السنة التالتة من التعليم الاعدادي (حسب النظام التعليمي المحلي), قدرت تربح ف مسابقة ثقافية كتتنظم ف جميع مدارس سبانيا سميتها ¿Qué es un Rey para ti? وتم اختيارها لتمثيل المدينة ف مدريد قدام الملك.

رميساء تم استقبالها اليوم من طرف الملك الاسباني فيليبي السادس ف قصرو بمدريد رفقة 21 من تلاميذ باقي مناطق اسبانيا. وتناقش معاها ف العمل اللي قدمت ف المسابقة.

استقبال رميساء, اللي مغربية ومحجبة من الفوق, من طرف ملك اسبانيا شخصيا ف القصر الملكي بمدريد, خلّى بزاف ف الصوشل ميديا يركزوا ف الامر ويهضروا عليه. منهم اللي جاتوا القضية غريبة, ومنهم اللي ببساطة فرح لها وتمنى لها التوفيق ف مسيرتها الدراسية.

حنا طبعا ما نحتاجوش نقولو أننا من النوع التاني. كنتمناو لرميساء المزيد من النجاح والتوفيق وعلاش لا تعاود تتلاقى الملك ف المستقبل بصفتها متوفقة ف مجالها اللي غادي تختار. حيت, كمغاربة, محتاجين ناس أكثر مبدعين وناجحين يمثلونا ف أوروبا باش تتحيد أي صورة سلبية علينا!

للاشارة, عدد سكان مدينة سبتة يقدر بأكثر من 82 ألف نسمة. ما بين 40% و 50% منهم مغاربة أو من أصل مغربي, كيفما هو حال رميساء.

خلي صوتك

1 نقطة
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…