قريبا الـ Screenshots للـ Stories ف Instagram غادي يبانوا للاخرين

وداعا للتجسس على الـ Ex ف انستغرام


ما كاينش فينا اللي مادارهاش. ماكاينش اللي ما مشاش يتجسس ف انستغرام على الـ Ex ولا الكراش ديالو. السبب متنوع، سواءا اعجاب، حب، ولا مجرد فضول ف معرفة اخبار الـ ex (السلبية تحديدا)…وعلاش لا تاخد سكرينشوت للـ Stories ديالهم للدكرى ولا للنميمة ف المجموعات المغلقة.
للاسف، وعلى خطى Snapchat، انستغرام حتا هو غادي يزيد خاصية اخبار الطرف الاخر بأنك خديتي Screenshot للسطوري ديالو. غادي يـ(ت)ـولي الـ Ex تبانلو سميتك باللي خديتي سكرينشوت باش تـ(ـيـ)ـعرف باللي مازال كتبغيهـ(ا) وت(ـيـ)ـزيد يتنفخ كثر وتبوء مفاوضات الصلح بالفشل.

حسب مواقع أمريكية متخصصة ف التكنولوجيا, مجموعة مستخدمين أمريكيين وصلتهم Notification كتخبرهم باللي شي شخص معين خدا سكرينشوت للسطوري ديالهم. الامر حاليا مازال ف حالة التجربة. وطبعا المستخدمين اللي خداو السكرينشوتس ديجا قبلوا أنهم يشاركوا ف الـ test اللي كيقوم بيه Instagram.

ملي شي واحد كياخد سكرينشوت ولا يسجل الشاشة ديال السطوري ديالك –وواخا ما تكونوش مفالووين بعضياتكم– غادي يطلع لك مع seen by مع علامة صغيرة عبارة عن camera shutter logo حدا الاسم كيفما كتبين التصاور.

على أي, انستغرام مازال ما ناويش يطلع الخاصية للجميع. مازال خايف من اثر الخاصية على التفاعل ديال المستخدمين, واللي ممكن تخلي نسبة مشاهدة السطوريز تتراجع, حيت السكرينشوتس جزء رئيسي منهم.

ولكن ما تخافش, كاين الحل لتجاوز هاد الخاصية اللي غادي تسبب لك مشاكل واخا  تولي معممة على كلشي. الناس اللي كيستعملوا سنابشات بزاف عارفينها. ما خاصناش نقولوها ولكن حيت نتوما عزاز بزاف غادي نفرشو السر: ببساطة حل السطوري و خدم Mode d’avion وخود السكرين وعاود حيدو. بهاد البساطة.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: تك

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…