ما عزيزش عليك مادة الرياضيات؟ خاصك ترجع تقرا عند هاد الاستاذ

ما غاديش يجيك النعاس ف حصتو


الماط, أو الرياضيات, من أكثر المواد المكروهة عند التلاميذ والطلاب ف العالم كامل. ماشي بوحدك اللي كتكره ولا كرهتي حصص الماط المملة. التعقيد اللي ف الرياضيات كيخليها مادة صعيب تركز معاها وكتجيب النعاس. خصوصا ف المغرب, اللي أغلب أساتذة الماط كبار ف السن وعايشين ف عالم مختلف كليا على العالم اللي عايشين فيه التلاميذ. كيكرّهوك ف الرياضيات واخا تكون باغي تتعلم وعندك حب للمادة وللعلوم.

لكن لحسن الحظ كاين حالات استثنائية كترجع الامل ف أساتذة الماط ف المغرب. حالات ديال اساتذة شباب كيفهموا عقلية تلاميذهم (المراهقين) وكيحاولوا يحسنوا من طريقة تدريسهم باش تناسب التلاميذ وما يحسّوش بالملل, بحالما دار الاستاذ مكوار حسن.

حسن مكوار أستاذ شاب ديال التعليم التانوي. كيقرّي مادة الرياضيات ف تانوية واد الذهب ف الدار البيضاء. التانوية حيوطها موسخين عامرين بالكتابة بحال أغلب تانويات المغرب. التلاميذ مستواهم عيّان ف الرياضيات (بحال أغلب التلاميذ المغاربة) وما كيقدروش يركزوا مع الدروس. باش يلقا الحل, حسن غادي يلقا فكرة بسيطة لكن creative.

غادي يصبغ الحيوط ويكتب فيهم بخط واضح ومنظم عدة قواعد أساسية ديال الريضيات اللي تلامذو خاصهم يكونوا عارفينها. باش بالاحتكاك بيها يوميا, وواخا ما يكونوش كيحملوا الماط, يعقلوا عليها بالزز منهم.

ماشي هاد الشي فقط, إبتكار الاستاذ حسن ف التعليم ما كيتوقفش هنا, الاستاذ عندو صفحة ف الفيسبوك كيلوح فيها دروس و Lives ديال الرياضيات, سواءا دروس ولا تصحيح تمارين, باش تلاميذو, وكاع تلاميذ المغرب, يقدروا يراجعوا الماط وهوما مكونطييم وخاشيين وجوههم ف داك المشقوف بلغة الاباء المغاربة.

هذي تصاور ديال القسم ديال الاستاذ حسن قبل وبعد, التحول واضح:

خلي صوتك

3 نقطة
Upvote Downvote

Total votes: 3

Upvotes: 3

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كرياتيف 💡

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…