هاد الجزيرة خاصة فقط بالنسا والرجال ممنوعين فيها كليا

تقدري تديري فيها عدة أنشطة بلا ما تفكري ف الرجال


مع معدلات التحرش العالية اللي ولات ف المجتمع المغربي, صعيب كبنت ف المغرب تحسي بالامن والامان. ديما عليك ضغط وخاصك تردي بالك فين مشيتي ومنين جاية. الركوب ف الطوبيس –الل هو حاجة عادية– ممكن يكون تحدي كبير ليك خاصك تخططي ليه نص نهار. هاد الشي ممكن يخلي بنات بزاف يتمناو شي بلاصة ما فيهاش الرجال.

ف الحقيقة, ديجا كاينة بلاصة خاصة فقط بالنسا والرجال فيها ممنوعين. الامر كيتعلق بجزيرة SuperShe.

الجزيرة كاينة ف ساحل دولة فنلندا وهدفها توفير منتجع للنسا فقط فين يقدرو يرتاحوا بلا ما يفكروا ف الرجال ولا يحاولوا يتيروا انتباههم. فكرة الجزيرة بدات ملي المستثمرة الامريكية Kristina Roth لاحظت خلال عطلتها ف منتجع ف كاليفورنيا كيفاش النسا كيغيروا تصرفاتهم ملي كيكونوا قدام الرجال. بغات تدير بلاصة فين النسا يستمتعوا بوقتهم فقط.

النسا ف الجزيرة ديال كرستينا يقدروا يديروا عدة أنشطة متنوعة, من بينها اليوغا, دروس الطبخ, حتا للتأمل طول النهار….بعيدا على الرجال.

وهاد الشي بشحال؟ صيمانة All-inclusive ف جزيرة SuperShe كتسوى 3500 دولار أمريكي. لكن استقبال الزوار غادي يبدا حتا لشهر 6 من 2018. ولكن قبل, الزوار غادي تختارهم كريستينا شخصيا باش تشوف واش مناسبين.

مهتمة بهاد المغامرة؟ هاهي مولات الشي وهذا كونط جزيرة SuperShe:

SuperShe founder Kristina Roth on our first #SuperShe retreat in the Phillipines 🌞🌞 snapped by @catherineaeppel

A post shared by SuperShe (@supershesnaps) on

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…