الفيسبوك كيجرّب زر الـ Downvote –الخاصية البديلة لـ Dislike

أخيرا استسلم لمطالب الجماهير!


عقلتو ملي الفيسبوك قرر يزيد الـ Reacts؟ كنا فرحنا باللي أخيرا غادي يكون زر الديسلايك باش نفاريو حساباتنا بكل روح رياضية وشفافية مع الناس اللي ما كنحملوش. لكن للأسف النظام الجديد ما كانش فيه زر الديسلايك, بل فقط مجموعة Reactions من ظمنهم Angry, اللي ما كيبردش الغدايد بحال Dislike.

الفيسبوك كان رفض زر الـ Dislike باش ما يخسرش المستعملين ديالو. ديسلايك ف الفيسبوك –الPlatform اللي كياخدها الانسان بشكل شخصي– ممكن يدير مشاكل بين المستعملين ويدخل الفيسبوك ف متاهات قضائية هو ف غنى عنها. لكن يبدو أن الفيسبوك تنادم معاه الحال ورجع بحل وسط وبزر مشابه للديسلايك.

ابتداءا من الخميس اللي فات, سكرينشوتات بزاف بانت ف الفيسبوك وتويتر ديال مستعملين كيقولو أنهم ولات عندهم خاصية الـ Downvote (تعبير أقل حدة من ديسلايك) على بعض التعليقات والبوسطات ف الفيسبوك.

مسؤول من الفيسبوك أنكر ان الشركة كتخدم على تطوير خاصية الديسلايك, قبل ما يصرح لـ Daily Beast بهاد المعلومات: “We are not testing a dislike button. We are exploring a feature for people to give us feedback about comments on public page posts. This is running for a small set of people in the U.S. only.”

الامر يبدو إذن ماغاديش يكون ديسلايك على البوستات العادية ديال المستعملين, بل على تعليقات معينة ف صفحات ومجموعات عامة من أجل الفيدباك. الامر كيتم تجربتو حاليا على أعداد قليلة ف أمريكا. تفاصيل أكثر حول التجربة غير معروفة.

البعض كيشوف أن نظام الـ Upvote والـ Downvote هو محاولة من الفيسبوك لمنافسة Reddit. الـ CEO ديال الموقع, Alexis Ohanian, علّق على الامر بأنه كيحس بنوع من الاطراء, وكيتمنى أنه كون سجّل خاصية الـ Upvote بإسمو.

على أي, هاد الـ Downvote على بوسطات وتعليقات معينة (ديال الصحفحات والمجموعات) كتبقى حل وسط وفعّال للفيسبوك. ما غاديش يسبب مشاكل شخصية, وف نفس الوقت غادي يخلينا نعبرو على الـ Dislike ديالنا لحوايج عامة وغير شخصية اللي كتنشر ف الصفحات والـ Groups.

هذي تصاور الخاصية الجديدة اللي خدام عليها الفيسبوك:

@ The Daily Beast

@ Smarthphone Choise

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: تك

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…