6 أسباب علاش خاصك تتفرج ف المسلسلات الأمريكية

عكس المسلسلات المصرية والتركية


المسلسلات الأمريكية اليوم صناعة قائمة بداتها وفن كيجدب مئات الملايين ديال البشر حول العالم. مع انتشار الانترنت ووسائل التوزيع الجديدة ولى أسهل انتشار الاعمال الفنية الامريكية حول العالم.

المسلسلات الامريكية كتدير جمهورها ف المغرب والعالم العربي نهار بعد نهار. مسلسلات بزاف ولى عندها Cults ديال عشاقها سواءا ف المغرب ولا ف منطقة MENA ككل.

عكس المسلسلات التركية والمصرية, اللي قصصها مكررة وما فيها حتى جديد, المسلسلات الامريكية أبعد ما يكون عن تضييع الوقت. بل بالعكس, كاينين عدة فوائد للفراجة ف المسلسلات الامريكية, هذي أهمها.

للاشارة, المسلسلات البريطانية حتا هي نقدرو ندخلوها مع المسلسلات الأمريكية. كيتشاركوا ف نفس اللغة والخصائص.

1. غادي تتعلم اللغة الانجليزية من الـ Native speakers

تكلم الانجليزية هدف عند الملايين حول العالم وباغيين يحققوه بأي طريقة. اللغة الانجليزية غادية وكتولي حاجة أساسية ف عالمنا المعاصر, تعلمها حاجة مهمة بزاف وغادي ينفعك سواءا ف خدمتك ولا ف حياتك الشخصية.

متابعة مسلسل أمريكي بلغتو الاصلية, خصوصا بمساعدة الـ Subtitles, كتبقا وسيلة فعّالة لانك تحتك باللغة عن قرب. غادي تسمع اللغة ديال الحياة اليومية ف سياقات مختلفة, غادي تسمع كذلك جمل اللي ممكن تستعملها ف حياتك, عكس اللغة الرسمية ديال المدرسة, اللي كتكون بعيدة على لغة الشارع والحوار اليومي.

2. غادي تنمي خيالك وحسك الابداعي

عكس المسلسلات التركية والمصرية اللي نفس الموضوع مازال كيهضروا عليه من التمانينات, المسلسلات الامريكية مواضيعها مختلفة ومتنوعة باستمرار.

من طريقة الكتاب والتصوير وسرد الاحداث مرورا بالموسيقى التصويرية, كلشي متغير ومتجدد باستمرار. عالم المسلسلات الامريكية غادي يفتح لك الباب على عالم جديد ديال الابداع والناس المبدعين, سواءا كتاب ولا موسيقيين ولا مخرجين. غادي تولي تعرف ناس جداد مبدعين ف المجال الفني.

3. غادي تكتشف المجتمع الامريكي عن قرب

الميريكان دابا هي أهم بلاد ف العالم. مجتمعها هو اللي كينتج الموضة والترندز ف مناحي بزاف من الحياة. باش تفهم كيفاش كيفكروا وكيعيشوا, خاصك يا إما تعيش معاهم يا تتفرج ف إنتاجات درامية ديالهم.

ايلا ما قادرش تمشي تعيش ف الميريكان, الدراما الامريكية كتقدم أقرب صورة للواقع الامريكي. مسلسلات بزاف كتقدم صورة محايدة وشفّافة للمجتمع الامريكي بسلياتو بإيجابياتو. غادي تكتشف من خلالها كيفاش الامريكي كيفكر وكيفاش كيشوف العالم.

4. غادي تفهم السياسة الامريكية

ما كاينش صراع ف العالم إلا والميريكان حاضرة فيه بطريقة أو بأخرى. الديبلوماسية الامريكية هي بوليسي العالم, كتتدخل ف كلشي.

مسلسلات بزاف موضوعها كيدور حول السياسة الامريكية, سواءا الخارجية ولا الداخلية. من خلالها غادي تقدر تكتشف بوليسي العالم كيفاش داير من الداخل بعيدا على اللغة الرسمية.

من أهم المسلسلات اللي غادي نظرة شاملة ومفصلة للسياسة ف الميريكان كاين House of Cards. تفهمو وتفهم أحداثو غادي تكون وليتي خبير استراتيجي ف السياسة الامريكية وتقدر تصيفط الـ CV ديالك لقناة الجزيرة باش تولي محللهم الرئيسي. (غير كنضحكو, ما تديرهاش بصح)

5. غادي تقرا التاريخ

 

التاريخ حاجة مهمة بزاف. خصوصا تاريخ الدول القوية بحال الميريكان ولا بريطانيا. التاريخ جزء مهم اليوم من صناعة التلفزيون ف أمريكا. الفراجة ف المسلسلات التاريخية, وبغض النظر على مدى دقتها وشنو باغي المنتج يوصّل, غادي يخليك مهتم بالتاريخ أكثر وتقرا وتبحث على الاحداث اللي عليها القصة.

6. غادي تخليك تقرا وتبحث ف حوايج بزاف

مجددا, وعكس المسلسلات المصرية والتركية, المسلسلات الامريكية ف أحيان بزاف كتعالج مواضيع وحقب مثيرة للاهتمام وما كنتيش عارفها. فهم المسلسل غادي يرغّم عليك تقلب وتقرا شوية باش تقدر تساير الاحداث. القراية والبحث هكا ربما من أهم الصفات اللي كتفرق الناس الادكياء على الناس العاديين, الرغبة ف البحث حاجة مهمة بالنسبة لأي شاب.

خلي صوتك

1 نقطة
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تيفي 📺

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…