معرض الكتاب قريب — 6 نصائح قبل ما تشري أي كتاب

باش تستهلك بلا ما تهلك


معرض الكتاب السنوي اللي كيتنظم ف الدار البيضاء ما بقالو والو. غادي يبدا بعد غدا (9 فبراير) ويستمر حتا لنهار 18 من نفس الشهر. على مدى 9 أيام مئات دور النشر (حوالي 700) من عدة دول كتعرض مطبوعاتها وكتبها لالاف الزوار اللي كيزوروا المعرض.

ايلا ساكن ف كازا او اي مدينة قريبة ليها, كاينة نسبة كبيرة انك غادي تزور هاد المعرض, هذي 6 نصائح ليك قبل ما تشري أي كتاب:

1. ماتحكمش على الكتاب من الغلاف ديالو

هاد الجملة تقالت قبل عقود لأول على الارجح, لكن اليوم it makes more sense أكثر من أي وقت مضى. وسائل الديزاين تطورت بزاف وولات أكثر سهولة, بالاضافة لأن دور النشر ولات أكثر وعيا بدور الصورة ف التسويق.

الكتب الجديدة خصوصا, كتلعب بشكل كبير على الشكل الخارجي من أجل التسويق. ممكن تشري كتاب زوين من برا ولكن ما فيه حتا حاجة مفيدة ولا مبدعة الداخل. لذلك الغلاف أخر حاجة خاصك تعتمد عليها.

2. ما تشريش كتاب كاين نسخة قديمة منو

كتب بزاف كيتم اصدار نسخ جديدة منها كل عام. خصوصا الكتب اللي صدرت شحال هذي, دور النشر كتبغي تعاود تبيعها ف شكل جديد. كيتم طبع نف المحتوى ولكن ف نسخة جديدة بغلاف جديد.

ايلا كان الكتاب اللي بغيتي تشري كاين نسخة منو قديمة, ما تشريش الجديد فقط حيت ورقو جديد, بل قلّب على القديم, غالبا غادي يكون ورقو أكثر جودة وتمنو أرخص بزاف.

ف عالم الكتب, الجديد ف أغلب الحالات ما كيعنيش الاحسن, بل العكس, كيعني الاسوء.

3. قلّب ف الانترنت على إسم الكاتب أولا

غادي تبان لك أسماء بزاف ديال كتب زوينة ومثيرة. ما تخليش أناقة الاسم تدوخك. كيفما كتقلّب ف Google والـ YouTube على الفيلم قبل ما تطيليشارجيه, قلّب كذلك على إسم الكتاب ف Google قبل ما تشريه. شوف جميع التفاصيل, وعلاش لا تقرا جزء منو ادا كان متوفر أونلاين. اليوم كلنا عندنا سمارتفون, الامر غادي يستغرق منك أقل من 15 دقيقة.

4. اقرا اراء الناس اللي قراو الكتاب قبل منك

ادا كان الكتاب معروف ومشهور, غادي تلقا ف أحيان بزاف نقاشات, سواءا ف مواقع التواصل الاجتماعي ولا منتديات, حول الكتاب اللي بغيتي. قرا هاد النقاشات وشوف واش الكتاب يستاهل ولا غير غادي تضيّع فلوسك.

5. رد البال لورق الكتاب

الورق هو تاني أهم حاجة من بعد المحتوى. كاين أنواع بزاف ديال الورق اللي كيتستخدم ف طباعة الكتب. كل واحد وعندو دور وهدف معين.

بالنسبة ليك, أحسن أنواع الورق هو هذاك الخشن اللي كيكون لونو مايل للون الاصفر. علاش؟ حيت كيصبر أكثر وما كيتوسخش بالزربة, زائد أنه كيكون أرخص من الورق الابيض. هذا بالاضافة ان الكتب اللي كتستعملو ف الغالب ما كتتقطعش.

6. ما تصورش اش شريتي وتلوحو ف الفيسبوك وانستغرام

هذي اهم نصيحة. ادا شريتي الكتاب حاول تقراه ماشي تصورو وتلوحو ف الصوشل ميديا. بزاف كيلوحوا نفس التصاور ف نفس الفترة, الامر ف اللول كيكون زوين لكن بالزربة كيتحول لامر مزعج. كن الاستثناء, وما تلوحش تصاور الكتب اللي شريتي بحال العام اللي فات, هاد العام اقراها!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: ليستة 📋

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…