وصل لنهائي ملكة جمال كازخستان….رغم أنه راجل ف الحقيقة

وتغلب على 4000 مشاركة!


شاب كازاخي عمرو 22 سنة قدر أنه يقولب اللجنة المنظمة ويوصل لنهائي مسابقة محلية ديال الجمال منظمة ف كازخستان, رغم أنه راجل ونظريا غير مقبول انه يشارك.

Arina Aliyeva, الشخصية الوهمية اللي دار المودل الكازاخي Ilay Dyagilev قدرت توصل للمراحل النهائية من مسابقة  Miss Virtual Kazakhstan والتغلب على أكثر من 4 الاف متسابقة.

Грехи других судить Вы так усердно рвётесь, начните со своих и до чужих не доберётесь. Уи́льям Шекспи́р . . . . . . ______________________________________________ #asianmodel #kazakhmodel #model#modellifestyle #Models1 #malemodel #fordmodels #boysfashion #nextmodels #dubsmashkaz #italianboy #nycmodelsearch #nycmodels #STORMMEN #dulcedomodels #modellife #panachemodels #newface #fashionparis #stormmodel #male #photo #español #Milanmodels #mood #faces #misunderstood #tumblrmen #whynotmodels #twilightsaga

A post shared by Dyagilev ILay / Дягилев Илай (@vozhzd) on

الفكرة حسب ما قال إيلاي لـ Metro UK بدات ملي تناقش مع صحابو حول معايير الجمال. وقرر أنه يشارك ف المسابقة على أساس أنه بنت ويشوف الامور كيفاش غادي تمشي, وباش كذلك يبين باللي البنات اليوم ولاو كلهم نسخ متطابقة ف الجمال وما بقاش الجمال الطبيعي.

رأيو, ف الحقيقة, كيبان صحيح املي غادي تضرب طلة على تصاور المشاركات ف المسابقة اللي شارك فيها.

المغامرة ما ستمرتش بزاف, من بعد الوصول للنهائيات إيلاي أخبر اللجنة المنظمة بالسر اللي خبا عليهم, اللي ف المقابل قررت تطرد أرينا, الشخصية الوهمية, بدعوى تقديم معلومات مغلوطة عليها. المسابقة المدكورة للاشارة تنظمت فقط أونلاين والتصويت كان باللايكات ف Instagram, عكس ما دكرت بعض المواقع أن الامر كيتعلق بملكة جمال كازاخستان اللي كتتنظم ف جميع العالم.

Арина Алиева 24 года Шымкент #missvkz #mvk2018

A post shared by @ aalieva7252 on

باختصار, إيلاي تصور على أساس أنه بنت وصيفط تصاورو للمسابقة اللي تنظمت ف Instagram, اللي قبلاتو على أساس أنه بنت حقيقية. هاد الشي غادي يخليك ترد البال المرة الجاية ف التعامل مع التصاور ف الصوشل ميديا. أي واحد ممكن يمتل أنه أي واحد.

كازخستان للي ما عندو حتا فكرة, دولة كاينة ف وسط أسيا, كانت جزء من الاتحاد السوفياتي قبل ما تاخد استقلالها ف التسعينات. كازاحستان تعرفت عالميا أكثر بسبب شخصية Borat ديال الكوميدي الانجليزي بارون كوهين.

حنا كنقولو لإيلاي بصوت بوراط: Itz Very Nice, I Like!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: كرياتيف 💡

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…