هاد الجملة ديال شيفور طاكسي مراكشي خلات Richard Branson يتأمل ف حياتو

رغم أن شيفورات الطاكسيات عادة غير طالقينها


شوافرية الطاكسيات عادة معروف عليهم  أنهم فهاماطورات فيهم الهضرة بزاف بلا ما يقولوا حتا حاجة مفيدة, باستثناء هاد الشيفور المراكشي, اللي أنسبيرا وخلى واحد من أغنياء العالم, Richard Branson, انه يكتب عليه ويحلل جملتو.

Richard Branson, الـ Self-made millionaire ومؤسس Virgin Group كان ف زيارة للمغرب ف شهر واحد 2018. قبل ما يتوجه لـقصبة تمضوت (Kasbah Tamdot) اللي كتملكها مجموعتو, خدا طاكسي ف مراكش. الشيفور قال ليه جملة اللي خلاتو يتأمل فيها ربما لأيام ويكتب عليها بوست ف مدونة موقع الشركة الرسمي ملي رجع لأوروبا.

نتا اللي درتي الفلوس, ماشي الفلوس اللي داروك“, هاد الجملة القصيرة ديال الشيفور المراكشي خلات واحد من أشهر المليونيرات العصاميين ف العالم يعاود يفكر ف حياتو ويكتب مقال على رحلتو وفلسفتو ف الحياة.

بالاضافة لانني حسيت بالتواضع, السيد قال فكرة مهمة. أنا عمري جريت ورا الفلوس من أجل الفلوس. ما كنآمنش أن الفلوس هي أهم حاجة ملي تبدا بزنس جديد” هكا بدا ريتشارد مقالو كتعليق على حوارو مع شيفور الطاكسي المراكشي, قبل ما يضيف: “بل, من ديما كنآمن أنه ايلا درتي بزنس باش تحسّن منتوج ما ولا خِدمة وتخلي انطباع ايجابي على حياة الاخرين, النجاح والفلوس غادي يجيو بوحدهم.”

المقال من بعد بارطاجاه ريتشارد ف الكونط ديالو ف تويتر, اللي عندو فيه أكثر من 12 مليون فالوّور.

ريتشارد برانسن, 67 سنة, مستثمر بريطاني,  philanthropist (محسن وفاعل خير), ومليونير عصامي مالك لمجموعة Virgin اللي كتملك أكثر من 400 شركة. يعتبر من أكثر رجال الاعمال تأثيرا ف العالم. قصة حياتو وفلسفتو ف الحياة فيهم بزاف ما يتعلم الواحد. مدونتو فيها مقالات بزاف ديالو ف عدة أمور حياتية.

اييه, شكون كان يقول أن شيفورات الطاكسيات غادي تخرج منهم هاد الحكمة كاملة!

خلي صوتك

3 نقطة
Upvote Downvote

Total votes: 3

Upvotes: 3

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…