فيلم Mission: Impossible رجع من جديد: Mission: Impossible – Fallout [تريلر]

ومن بطولة توم كروز بحال ديما


قليلة الافلام الامريكية الي قدرت تولي جزء من التقافة الشعبية واللغة اليومية ديال المغاربة بحال فيلم Mission: Impossible اللي معروف بميسيون أمبوسيبل. تقدر تسمع التعبير ف حوار يومي عفوي للاشارة لأي حاجة مستحيلة ولا صعيبة التحقيق. سلسلة الافلام الامريكية بدات عام 1996 –العام اللي عدد لابأس بيه من اللي غادي يقراو هاد المقال كانوا مازال ما تولدوا–ومازال مستمرة حتا لليوم, بنفس الابداع والتشويق والاثارة.

الجزء الاول ديال الفيلم تشاف ف كاصيط الفيديو ف تلفزيونات قديمة, بينما الجزء الاخير غادي يتشاف بجودة 4K ف شاشات دقتها ضعف أحسن ما كان عام 1996. تجربة فريدة بزاف غادي يعيشوها الفانز ديال الفيلم والبطل ديالو, خصوصا اللي تفرجوا ف الجزء الاول ملي عاد خرج.

البارح خرج التريلر ديال الجزء السادس من الفيلم اللي كيأدي بطولتو الممثل توم كروز. اليوم 55 عام, ومن بعد أكثر من 20 سنة, مازال قادر على لعب دور البطولة كيفما دار ف جميع الاجزاء الخمسة الاخرى. النسخة الجديدة سميتها  Mission: Impossible – Fallout. هاد النسخة من إخراج مخرج الجزء الخامس (Mission: Impossible – Rogue Nation): المخرج Christopher McQuarrie وانتاج Paramount Pictures.

فيديو التريلر جاب أكثر من 4 ملاين مشاهدة ف أقل من نهار, الدليل أن الفيلم مازال عندو شعبية كبيرة حول العالم, وملايين الفانز ما قادرينش يصبروا يستناو الاصدار.

القصة؟ بحال جميع الاجزاء, البطل Ethan Hunt وصحابو ف الـ Impossible Missions Force غادي يضطروا يتسابقوا مع الوقت من بعد ما فشلت واحد المهمة, وخاصهم يصلحوها.

من التريلر كيبان أن الفيلم غادي تدور أحداثو ف فرنسا. العاصمة باريس كتبان ف أكثر من لطقة خلال التريلر, وهي فعلا فين تم التصوير.

فيلم الاكشن غادي يصدر ف السينمات نهار 22 شهر 7 الجاي. طبعا ف المغرب غادي يتعطل ببعض الايام قبل ما يصدر ف السينمات المحلية.

هذا تريلر الجزء الجديد من الفيلم:

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: سينما 📽

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…