64% من المغاربة عندهم دابا Access للأنترنت حسب الـ ANRT

والنسبة مازال في ارتفاع!


سنين ونسبة مستعملي الانترنت ف المغرب في تزايد. من بداية الالفينات والمغاربة كيتسارعوا للحصول على الانترنت. من أيام السبير حتا للمودمات ديال إنوي. المغاربة ديما كان الانترنت شي حاجة مثيرة بالنسبة لهم.

ومن الاسباب اللي خلاتنا نعتمدو الدارجة والتوجه للمغاربة بالدرجة الأولى ف نيووز, هي ايماننا بالنمو السريع لسوق الانترنت المغربي. المغرب غادي ف الطريق لانه يولي سوق أونلاين قائم بداتو وما يبقاش تابع للشرق الاوسط أو فرنسا.

التقرير ديال الربع الاخير ديال 2017 اللي كتصدرو الوكالة الوطنية لتقنين الاتصالات (الـ ANRT) أكد مرة اخرى على التزايد الكبير ف ولوج المغاربة للانترنت. نسبة المغاربة اللي عندهم ولوج للانترنت ارتفع لاول مرة لـ 64% من السكان ديال البلاد. نسبة هي الاعلى ف شمال إفريقيا.

التقرير اللي صدر على شكل بلاغ صحفي, دكر أن نسبة الولوج للانترنت عرف نمو بـ 34.33% مقارنة بالعام اللي قبل منو, ووصل دابا عدد المغاربة اللي عندهم ولوج للانترنت لـ 22 مليون مغربي, بعدما كان 20 مليون ف 2016. 22 مليون مغربي مكونكطيين دابا.

السبب ديال هاد النمو, حسب الـ ANRT, كيرجع لسهولة الوصول للـ 3G والـ4G, اللي شكلوا أكبر نمو مقارنة بالـADSL, اللي نمو مقارنة بيهم بطيئ.

ف الدزاير, جيراننا, نسبة مستعملي الانترنت وصلت لـ 45.2% من السكان ديال البلاد اللي واصلين ل 40 مليون. بينما ف تونس النسبة وصلت لـ 50.5% من عدد السكان اللي وصلوا لـ 11 مليون والنص.

عالميا, أكبر دولة من حيت نسبة الولوج للانترنت كتبقا هي إيسلندا, اللي 100% من سكانها الـ 331 ألف عندهم access للانترنت بطريقة أو بأخرى.

سو, باغي تبدا Vlog ف اليوتوب مثلا؟ ماشي ضروري تعوّج لسانك وتهضر بالعربية الفصحى دابا. السوق المغربي كبير بما فيه الكفاية (ومازال ف النمو والتطور مع الوقت), تدير بلاصتك فيه كافي انه يحقق لك أرباح تعيّشك بيخير!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: تك

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…