كتنسا بزاف وكتتخربق بين السمارتفون والـ PC؟ Google عندها ليك الحل

باش ما تعاود تنسا والو!


اليوم الاغلبية الساحقة من الشباب عندها سمارتفون و PC. كنخدمو بيهم بزوج بالتكامل, واحد كيكمل الاخر. كتخدم بالـ  PC غالبا ف الدار والسمارتفون برا. ف بزاف ديال الحالات كتضطر تنقل الافكار والـ Data بيناتهم. خلال هاد العملية كيوقع بزاف ديال النسيان والتعنكيش, ان صح التعبير.

الـ Data حالها ساهل, كتستعمل اي خدمة ديال الـ cloud. لكن الافكار والسكرينشوتس والـ To-do lists اللي مشكلة, البعض كيضطر يدير Conversation مع راسو ف الواتساب باش يسجل آش خاصو يدير. Google عندها حل احترافي ليك, لكن قليل اللي عارفو للأسف.

Google Keep هي خدمة مجانية ديال Google بحال تطبيق Evernote اللي ماشي كلشي كيحملو. Google Keep كيتميز بالواجهة البسيطة وبامتيازا انك تقدر تدخل ليه بالـ Gmail ديالك وبسهولة من اي سمارتفون أندرويد. أي حاجة من Google, ورغم موضوع الخصوصية, كتبقا جودتها لا نقاش فيها.
هاد الخدمة ديال Google كتسمح لك تسجل افكارك ولا أي حاجة مهمة باغي ترجع لها من بعد باستعمال جهاز آخر. Google Keep كيسمح لك تحتفظ بحوايج بزاف, من بينهم, نص عادي, Links خارجية, فيديوات, مقالات, وحتا عناوين ديال البلايص من Google Maps.

من بعد تقدر ترجع لاي حاجة سجلتي من أي جهاز آخر عندك باستعمال نفس الايميل.

الهدف ديالك أحيانا هو ما تنساش, لذلك Google Keep فيه reminder باش يفكرك, خصوصا ف حالة الـ To-do lists, اللي حتا هوما كيسوبورطيهم التطبيق. الـ reminder كتعمرو بحال الـ Alarm.  كيسيفط لك Notification ف الوقت اللي حددتي, باش ما تنساش.

الخدمة فيها امتيازات اخرى نخليوك تكتشفها حتا تجرب لراسك. التطبيق متوفر لجميع الاجهزة والانظمة ديال التشغيل. تقدر تطيليشارجيه للاندرويد, الـ iOS وأي جهاز كمبيوتر شخصي. بالاضافة للـ extension ديال Google Chrome, اللي كتغنيك على حتا الدخول للموقع.

 

هاد الشي Helpful؟ بارطاجي المقال مع صحابك باش تـ improveـي استعمالهم للانترنت, وتعاوننا حتا حنا نكملو ف انتاج محتوى أكثر!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: #NeoozProTips

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…