حمزة لبيض: آخر المغاربة اللي كيتألقوا ف برنامج شرق أوسطي

صوتو 100% غادي يعجبك


ماشي غريب علينا كمغاربة نخلقو الحدث برّا المغرب. سواءا ف الفن, الرياضة ولا حتا ف العلوم. رغم صغر عددنا وضعف مواردنا المادية مقارنة بدول بزاف, الا انه عندنا حقنا من الابداع والتميز والموهبة.

من المناسبات اللي عرفت تميز مغربي مؤخرا هو برنامج The Voice Kids ف نسختو العربية اللي كيدوز على قناة MBC 1 السعودية. برنامج The Voice Kids ف الاصل برنامج ألماني (وي, ألماني ماشي أمريكي ولا بريطاني). كان كيدوز على قناة Sat. 1, قبل ما تتدار منو نسخ ف العالم كلو بعدما عرف نجاح كبير ف ألمانيا.

برنامج The Voice Kids يعتبر من أهم البرامج ف مجال اكتشاف المواهب ف الموسيقى. نسحتو العربية موجهة للعالم العربي ككل. المشاركة فيه موجهة لأي طفل عمرو ما بين 7 و 14 عام من الـ 300 مليون عربي.

الحلقة النهائية كانت البارح السبت, وربحها الطفل المغربي حمزة لبيض, اللي عمرو 10 سنين. من بعد ما تغلب على باقي الاصوات باداؤو الرائع لاغاني اللؤلؤ المنضود وقدّك المياس…اللي صراحة كتتطلب موهبة حقيقية.

جائزة حمزة, بالاضافة لعقد مع Platinum Records, فيها 200 ألف ريال سعودي (حوالي 50 مليون سنتيم), منحة دراسية, بالاضافة لرحلة هو وعائلتو لـ Disney Land ف باريس ولندن. ما يمكن لنا الا نقولو ليه مبروك وبالصحة والراحة!

وطبعا, ماشي ضروري تكون من مشاهدي هاد القنوات ولا هاد النوع ديال البرامج باش تقدّر وتستمتع بهاد الموهبة المغربية الواعدة. هذا اداء حمزة ف الحلقة النهائية:

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…