عمرو 17 عام وكيربح 30 مليون شهريا — هذي 5 نصائح منو ليك

5 نصائح مهما كانت أحلامك غادي تنفعك


ف 17 عام الانسان كيكون ف أوج المراهقة وعقلو تالف وما مركز ف والو. هذا هو السن اللي كيبغي يفرض فيه الانسان وجودو, لكن للأسف الطريقة كتكون غالطة. بدل التركيز ف القراية والتعلم, كنركزو ف البنات وف الثورة على أي سلطة فوق مننا.

 Temper Thompson حالة خاصة. ماشي بحال باقي المراهقين. ف عمر 17 سنة كان ديجا كيربح 30 ألف دولار أمريكي شهريا. مبلغ ما يجمعو غير الفم واخا ف الميريكان, اللي الحد الادنى للاجور فيها ف أغنى الولايات ما كيتجاوزش ألفين دولار شهريا.

تمبر بدا بزنس أونلاين ديال الماركوتين. كيبيع products ف الموقع ديالو كيدخلو ليه صالير شهري ديال 30 مليون سنتيم مغربي.

القصة ماشي مجرد scam. المراهق الامريكي دازت قصتو ف أكبر المواقع المختصة ف الـ finance و الـ Business بحال Businessinsider و inc. رغم صغر سنو الا انه كيتخاد كقدوة ف المجال.

طبعا, الهدف من المقال ماشي نقولو لك أنك غادي تولي بالضرورة بحالو.

هدفنا ماشي تسويق الوهم. الظروف والاحلام وتفاصيل الحياة مختلفة من شخص لاخر وما يمكنش نطبقو نجاح x على y. هدفنا فقط نقدمو ليك دروس من عند واحد قدر يدير شي حاجة استثنائية. نصائح اللي غادي تنفعك ف حياتك الشخصية, سواءا ف انشاء بزنس ديالك, ولا فقط القبول ف المدرسة العليا ولا الجامعة اللي كتحلم بيها حياتك كاملة.

هذي 5 نصائح من عند Temper Thompson لأي واحد:

1. Take action

أهم نقطة حسب تمبر هي أخد المبادرة وتدير شي حاجة بدل الحلم والهضرة. تمبر كيقول “A lot of people talk about what they want to do but they never actually do it, If you don’t take action, you’re never going to have success.”

فعلا, ايلا بقيتي فقط كتحلم بلا ما تحول احلامك لواقع, ماغاديش تقدر تتحقق من نسبة فشلها ولا نجاحها.

2. Don’t fear failure

النصيحة التانية هي الاستمرار والمواصلة. الاخطاء كيوقعوا, وهذا جزء من الـ trial and error. بدل الاستسلام, الانسان خاصو يتعلم من أخطاؤو ويزيد للقدم. فحسب تمبر: الفشل is an advantage.

3. Stay focused

التركيز من بعد الفشل لاول مرة صعيب, لذلك Temper كينصح الانسان يبقا مركز ف الهدف وما يخليش الـ error يشوش عليه.

4. Surround yourself with positive people

النصيجة التالتة هي تخلي معاك غير الناس الايجابيين وتبعد عليك الناس السلبيين اللي كيحطموك. وهاد الشي طبعا ما كيعنيش انك ترفض الفيدباك ديال الاخرين. الفيدباك مهم, لكن اللي مضر هو الناس اللي باغيين يحطموك بلا سبب.

الفيدباك, ف الواقع, ايلا ما كانش عندك خاصك تقلب عليه واخا تعرف تخلص عليه.

5. Don’t get comfortable

هذي أهم نقطة واللي بزاف كيتجاهلوها, وهي عدم التوقف واخا توصل للهدف اللي درتي قبل. حسب تمبر:  lot people will hit their goal and say they’re happy, If you don’t get comfortable, you can keep increasing goals and keep growing.

وباش يبدا من راسو, Temper رغم الـ 30 مليون اللي كيدخل شهريا وكافياه يعيش أكثر من مرتاح, داير هدف جديد, وهو يولي يدخل 100 ألف دولار شهريا هاد العام بدل 30 الف.

 

بغيتي تكتشف Temper أكثر؟ هاهو فيديو ديالو كيهضر فيه على شنو كيدير:

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: #NeoozProTips

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…