هاد المسلسل كتدور أحداثو ف المغرب, و Netflix شارية حقوق بثو

وكيعطينا زاوية جديدة للنظر لتاريخ المغرب


تاريخ منطقة الريف من المغرب ماشي كلشي عارفو للأسف. ما كيتمش التركيز عليه ف الاعلام المغربي بحال باقي مناطق المغرب. منطقة الريف رغم انها صغيرة من حيث الحجم الا أن تاريخها كبير، واحد من فترات تاريخ الريف دابا موضوع مسلسل شارية حقوق بثو Netflix.

وكيفما كنعرفو, الدراما الإسبانية ف السنين الأخيرة دايرة تقدم ملحوظ لا من ناحية الكم لا الكيف. اخر الأمثلة مسلسل لا كاصا دي پاپل اللي كيحقق نسب مشاهدة كبيرة حول العالم. هاد المرة مسلسل اسپاني جديد كتشريه Netflix، وموضوعو كيدور ف المغرب.

المسلسل الاسم ديالو الاصلي Tiempos de Guerra, او Morocco: Love in Time of War كيفما معروف باللغة الانجليزية حول العالم. المسلسل من إنتاج Atresmedia, نفس الشركة اللي أنتجت مسلسل La Casa de Papel.

قصة المسلسل كتدور عام 1921 ف منطقة الريف اللي كانت تابعة لاسبانيا داك الوقت. من بعد هزيمة الجيش الاسباني ف معركة أنوال بقيادة عبد الكريم الخطابي, ونظرا للخسائر البشرية الكبيرة, سبيطارات مليلية غادي تعمر بالجثث والجنود المصابين.

ملكة إسبانيا داك الوقت  Victoria Eugenie غادي تأمر بارسال مجموعة فرمليات شابات من الطبقة العليا من الصليب الاحمر الاسباني لمليلية باش يقدموا يد المساعدة للطاقم الطبي المحلي. ف هاد الظروف الصعبة الاشياء الوحيدة اللي غادي تعطي قيمة لحياة الجنود هي الحب والامل. المسلسل يصنف Romance و Suspense.

المسلسل كيدور طبعا من وجهة نظر إسبانية, لكن فيه اشارة ظمنية لقوة المقاومين الريفيين, ويمكن لنا كذلك ناخدو منو فكرة على الحكم الاسباني لمنطقة الريف ورأي الشعب الاسباني داك الوقت.

كاين لحد الان موسم واحد حاليا من المسلسل فيه 13 حلقة. مدة الحلقة ف المعدل 70 دقيقة. أول حلقة تم بثها نهار 20 سبتمبر 2017. المسلسل دابا كاين ف نتفلكس بالترجمة لعدة لغات, من بينهم اللغة العربية.

هذا Trailer ديال الموسم الاول من المسلس من موقع قناة Antena 3 اللي قامت ببثو قبل ما تشريه Netflix:

خلي صوتك

1 نقطة
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تيفي 📺

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…