دراسة: السجائر الالكترونية ماشي أقل ضررا من الكارو

بلا ما تجربها!


الاقلاع على التدخين من أكثر الحوايج اللي كيحاول الانسان يديرها وكيفشل. الملايين كل عام كيحاولوا يقطعوا الكارو ولكن كيفشلوا فشل دريع. ادمان النيكوتين من أصعب انواع الادمان. كاين ف كل بلاصة وحتا عقلك ما كياخدوش بشكل جدي بحال أنواع الادمان الاخرى.

الحل اللي كيبقا عند بزاف –خصوصا الشباب– من بعد الفشل ف الاقلاع على الكارو هو السجائر الالكترونية, أو الـ Vaping. الاسطورة كتقول ان الـ Vaping أقل ضررا من الكارو. كتكمي دخان ما فيهش النيكوتين –المكون الاخطر ف السجائر.

الـ vaping ولى كذلك حاجة كوول. ما بقاش مجرد وسيلة للاقلاع عن التدخين, ما يمكنش ما يكونش عندك واحد ف الاصدقاء أونلاين الي فارع لك راسك بتصاور الـ e-Cigarettes وشحال زوين الـ vaping وكلشي خاصو يجربو.

للأسف, دراسة علمية جديدة من نيويورك كتقول العكس, الـ vaping ليس أحسن حالا من السجائر العادية. اه, كا كيسببوش السرطان بنفس حدة السجائر العادية لكن عندهم أضرار لا تقل خطورة.

الدراسة اللي تدارت ف New York University School of Medicine وتنشرت ف Journal  Proceedings of the National Academy of Scientists, لقات أن السجائر الالكترونية كتدمر الـ DNA وكتعلي نسبة اصابتك بسرطان الحلق والمثانة مقارنة بغير المدخنين.

الباحثين داروا التجربة على فيران ف المختبر. جزء منهم عرضوه لدخان السجائر الالكترونية, بينما الجزء الاخر للهواء نقي. الباحثين لقاو قلب, مثانة, وحلق الجزء اللي تعرض لدخان السجائر الالكترونية عليه علامات الدمار. بالاضافة لتأثر نظام الـ DNA Repair ف جسمهم, النظام اللي كيقوم باصلاح الاخطاء ف حمضنا النووي ويحمينا من السرطان.

النتائج رغم انها على الفيران, الا انه يمكن تطبيقها على البشر على الباحثين.

كتكمي وبغيتي تقطع؟ اقطع ديريكت بلا ما تطيح ف فخ السجائر الالكترونية. الـ vaping كيفما كتبين دراسات متعددة ماشي safe كيفما كيظنوا بزاف. والانسان ما يبدلش ادمان بادمان.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: صاينص، بيتش! 🔬

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…