هكّا 50 cent دار 8 ملايين دولار من الـ Bitcoin وغير بالضحك

طلع ما ساهلش صراحة


ملي كتكون ديجا عندك الملايين ديال الدولارات ف الكونط بونكير, ثورة الـ Bitcoin ما كتعنيلك والو. حلم الاغتناء السريع نتا ديجا عشتيه. لكن 50 cent زاد ملايين البيتكوين على الملايين اللي عندو.

عام 2014, وقبل ما يرتفع سعر العملة الالكترونية, النجم الامريكي ديال الراب 50 Cent قرر يـ accept ـي البيتكوين لشراء الالبوم ديالو Animal Ambition. تمن الالبوم كان جزء صغير من الـ Bitcoin. خطوة كان الهدف منها ماشي الربح, وغريبة داك الوقت ف عالم الموسيقى.

حسب موقع TMZ المتخصص ف أخبار النجوم, الالبوم جمع حوالي 700 بيتكوين. البيتكوين داك الوقت كان كيسوى حوالي 600 دولار. جاتوا ف المجموع حوالي 400 ألف دولار من بيع الالبوم ديالو. مبلغ صغير بالنسبة لنجم بحال فيدي سنت.

فيدّي, كيما كينطق الاسم ديالو, سواءا عن جهل أو عن دكاء مالي ماكر, ما صرفش البيتكوينات اللي جمع للدولار داك الفترة, بل خلاهم مخبيين عندو.

سنين من بعد, وملي وقع الـ bitcoin bubble. سعر البيتكوين ارتفع بشكل صاروخي وطلع لفوق 11 مليون سنتيم مغربي, Curtis James Jackson فجأة ولات عندو ثروة بين يدو غير قبل سنوات كانت فقط بقشيش.

حسب TMZ مجددا, المبلغ اللي جمع النجم الامريكي اليوم كيساوي ما بين 7 و 8.5 مليون دولا أمريكي. مبلغ اللي محترم بجميع المقاييس.

على أي, قيمة البيتكوين مؤخرا في تراجع كبير. نتمناو فيدي يكون زرب يصرّف البيتكوينات اللي جامع, قبل ما تهبط قيمتهم مجددا لأقل من 400 الف دولار هاد المرة.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: نجوم 🌠

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…