هاد الموقع غادي يعطيك جميع المغنيين اللي كيشبهوا ف الستيل للمغني المفضل ديالك

بلا ما تزيد تتعدب تقلب


أصعب حاجة ف الاستماع للموسيقى هي تكتشف موسيقى جديدة زوينة اللي تعجبك. كيعجبك شي فنان معين, كتسمع لجميع أغانيه, فجأة كتلقا راسك ما لاقي والو جديد من نفس النوع وأغلب الـ Recommendations ديال اليوتوب لاعلاقة.  Spotify حتا هو ليس أحسن حالا.

كلنا دزنا من هاد التجربة. سمعنا لاغنية ولا ألبوم معين حتا كرهناه ومن بعد بقينا بلا دوق….كنتصنتو لضلوعنا.

لحسن الحظ الملايين بحالنا. ومن ظمن هاد الملايين كاين ناس اللي قرروا يلقاو حل لهاد المعظلة ديال أجيال كاملة.

الـ Global Network Of Discovery بقيادة  Marek Gibney جابوا الحل الامثل بهاد المشكل. ديفلوباو الـ Music map, السيت اللي كيعطيك جميع الفنانين اللي كيشبهوا ف الستيل للفنان المفضل ديالك.

الفكرة ديال السيت بسيطة وغالبا طاحت عليك قبل. ما كتتطلبش بزاف ديال الدكاء. كتدخل اسم المغني, والموقع كيقلب ف الـ Database ديالو ف الاف الفنانين المسجلين وكيعطيك النتيجة ديال الفنانين القراب لاختيارك.

الاختيار كيفاش كيتم؟ حتا هي بسيطة! الموقع كيختار بناءا على الـ Collaborations والـ influence ديال كل فنان, بالاضافة للمعلومات التفنية طبعا اللي كنا عارفينها. كلما كان الفنان عندو اغاني مشتركة مع فنان اخر وتأثر بيه من الأرجح انهم عندهم نف الستيل وغادي يعجبزك بزوج.

النتيجة ديال السيت كتخرج على شكل cloud. كلما كانوا 2 أسماء متقرابة كلما كان الستيل متشابه بزاف.

جربنا السيت, درنا Queen ف خانة البحث وكليكينا أوكي. النتيجة كانت كالتالي:

أقرب 2 أسماء لـ Queen هوما Metallica و AC/DC. دقيق بما فيه الكفاية صراحة. الموقع مازال ف طور التطوير. تقدر تساهم ف تحسينو من خلال ارسال الاخطاء اللي لقيتي للمطور.

بغيتي شي حاجة أكثر تطورا وتعقيدا؟ نفس المطورين دايرين موقع أخر مشابه. فقط الاختلاف كتدخل 3 من your favorite bands والسيستيم كيعطيك نتائج أكثر دقة!

جرب ورد عليا الخبار, وما تنساش, حليوة ما كاينش وما غاديش يكون. بلا ما تحاول. 

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: ليستة 📋

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…