فوضى وتدخل ديال البوليس ف فرنسا والسبب Nutella

"كانوا بحال الحيوانات"


كيقولو باللي الشكلاط كيأثر على نفس المناطق ف الدماغ اللي كتأثر عليها المخدرات. سواءا كانت هاد الهضرة متبثة بالدراسات العملية ولا مجرد anecdote, الفيديوات اللي جايين من فرنسا كيأكدوا الاثار الجانبية الخطيرة ديال الشكلاط على الفرد. اللي تقدر توصل للعنف….بحال المخدرات.

عدة سوبرمارشيات ف فرنسا عرفت نهار الخميس اللي فات فوضى وتدافع أدى لتدخل البوليس والصحافة تهضر ف الامر.

السبب؟ واحد السلسلة ديال السوبرمارشيات دارت تخفيض على قراعي شكلاط نوتيلا ديال 950 غرام بنسبة 70%. التمن هبط من 4.5 أورو لـ 1.4 أورو. 3.1 أورو كانت كافية تخرّج الوحش اللي ف الشعب الفرنسي.

هاد التخفيض الكبير دفع المئات للتدافع والفوضى للحصول على أكبر كمية من Nutella ف شكل شبيه بالتدافع اللي كيوقع ف عروض الـ Black Friday ف أمريكا كل عام.

حسب ما دكر The Local France, بعض الصحف المحلية الفرنسية وصفت الامر بـ Riot.

كانوا بحال الحيوانات. واحد المرة جروها من شعرها. مرا أخرى كبيرة ف السن خدات كرطونة فوق راسها, واحدة اخرى يديها كانوا عامرين دم. الامر كان مفجه!” كيقول واحد الكليان حضر للتدافع.

كانوا بحال الحيوانات. واحد المرة جروها من شعرها. مرا أخرى كبيرة ف السن خدات كرطونة فوق راسها, واحدة اخرى يديها كانوا عامرين دم. الامر كان مفجع!” كيقول واحد الكليان حضر للتدافع.

ف بعض المناطق, بحال ف Ostricourt ف شمال فرنسا, تم استدعاء البوليس من بعد ما ناضت مضاربة باليدين بين الكليان حول شكون غادي يوصل اللول نوتيلا.

ساعات من بعد ظهرت فيديوات ف الصوشل ميديا كتوثق هاد الحدث الغريب على فرنسا. بحال فيديوا ف تويتر تشاف 1 مليون و700 ألف مرة.

الامر ما بقاش محلي. الفيديوات وصلت للعالم كامل. صحيفة The Guardian البريطانية و Time حتا هوما هضروا على الأمر.

 

السؤال اللي كيطرح نفسو بقوة قدام هاد الشي هو: مادام الفرنسيس وداروا هاد الحالة على قرعة ديال نوتيلا, علاش كنولومو المغاربة ملي كيتدافعوا على الطحين ولا الزيت اللي حوايج أساسية؟ خلي لنا رأيك ف تعليق!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: واضفاك؟

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…